'യു.കെ.യിലെ ഡോക്ടറാണ്, ഗിഫ്റ്റയച്ചിട്ടുണ്ട്', വാട്‌സാപ്പ് ചാറ്റിങ്ങിലൂടെ കോഴിക്കോട്ടെ യുവതിക്ക് നഷ്ടപ്പെട്ടത് 1.35 ലക്ഷം

കോഴിക്കോട്: വാട്‌സാപ്പ് സന്ദേശത്തിൽ വിശ്വസിച്ച് പണം അയച്ചു നൽകിയ നാദാപുരം യുവതിക്ക് നഷ്ടപ്പെട്ടത് 1.35 ലക്ഷം. പല തവണയായി ആണ് യുവതി 1,35,000 രൂപ അയച്ചത്. ഒടുവിൽ തട്ടിപ്പ് തിരിച്ചറിഞ്ഞതോടെ യുവതി നാദാപുരം പോലീസിൽ പരാതി നൽകുകയായിരുന്നു. ആഴ്ചകള്‍ക്ക് മുൻപാണ് യുവതിയുടെ ഫോണിലേക്ക് സന്ദേശമെത്തുന്നത്. പ്രതികരിച്ചപ്പോൾ ആദ്യം നമ്പർ തെറ്റി മെസ്സേജ് എത്തിയതെന്നായിരുന്നു മറുതലയ്ക്ക് നിന്നുള്ള പ്രതികരണം. തുടർന്ന് നടത്തിയ സംസാരത്തിൽ താൻ ലണ്ടനിലെ പ്രശസ്തനായ ഡോക്ടർ ആണെന്നു പറഞ്ഞു പരിചയപ്പെടുത്തി. മാര്‍ക്ക് വില്യംസ് എന്നാണ് യുവതിയോട് പേര് പറഞ്ഞിരുന്നത്.