17 കോടിയുടെ ബിറ്റ്കോയിൻ ആവശ്യപ്പെട്ട തട്ടിക്കൊണ്ടുപോകലിന് ശുഭാന്ത്യം; മലയാളി ബാലനെ മോചിപ്പിച്ച് പൊലീസ്; 7 പേർ പിടിയിൽ

ഉ​ജി​രെ​യി​ല്‍ സ്ഥി​ര​താ​മ​സ​മാ​ക്കി​യ മ​ല​യാ​ളിയായ ബി​ജോ​യ് അ​റ​യ്ക്ക​ലി​ന്‍റെ​യും ക​ണ്ണൂ​ര്‍ സ്വ​ദേ​ശി​നി ശാ​രി​ത​യു​ടെ​യും മ​ക​ന്‍ എ​ട്ടു​വ​യ​സു​കാ​ര​നാ​യ അ​നു​ഭ​വി​നെ​യാ​ണ് വ്യാ​ഴാ​ഴ്ച വൈ​കു​ന്നേ​രം കാ​റി​ലെ​ത്തി​യ സം​ഘം ത​ട്ടി​ക്കൊ​ണ്ടു​പോ​യ​ത്. സം​ഘ​ത്തി​ലെ ഒ​രു അം​ഗം പി​ന്നീ​ട് ശാ​രി​ത​യെ ഫോ​ണി​ല്‍ വി​ളി​ച്ച് 17 കോ​ടി രൂ​പ ബിറ്റ് കോയിനായി മോ​ച​ന​ദ്ര​വ്യം ആ​വ​ശ്യ​പ്പെ​ട്ടി​രു​ന്നു.

ബം​ഗ​ളൂ​രു ഇ​ല​ക്ട്രോ​ണി​ക്സ് സി​റ്റി​യി​ല്‍​നി​ന്നു​ള്ള കോ​മ​ള്‍, ഇ​യാ​ളു​ടെ സു​ഹൃ​ത്ത് മ​ഹേ​ഷ്, മാ​ണ്ഡ്യ സ്വ​ദേ​ശി ഗം​ഗാ​ധ​ര്‍, കു​ട്ടി​യെ ഒ​ളി​പ്പി​ച്ചു​വ​ച്ച വീ​ടി​ന്‍റെ ഉ​ട​മ മ​ഞ്ജു​നാ​ഥ് എ​ന്നി​വ​രും പേ​രു​വി​വ​ര​ങ്ങ​ള്‍ വ്യ​ക്ത​മാ​യി​ട്ടി​ല്ലാ​ത്ത മൂ​ന്നു പേ​രു​മാ​ണ് അ​റ​സ്റ്റി​ലാ​യ​ത്. ഉ​ജി​രെ​യി​ലെ വീ​ടി​നു മു​ന്നി​ല്‍​വ​ച്ചാ​ണ് വെ​ള്ള നി​റ​മു​ള്ള ഇ​ന്‍​ഡി​ക്ക കാ​റി​ലെ​ത്തി​യ സം​ഘം കു​ട്ടി​യെ ക​യ​റ്റി​ക്കൊ​ണ്ടു​പോ​യ​ത്.

Also Read- എട്ടുവയസുകാരനെ തട്ടിക്കൊണ്ടുപോയവർ മോചനദ്രവ്യമായി ആവശ്യപ്പെട്ടത് 17 കോടിയുടെ ബിറ്റ്കോയിൻ

ബി​ജോ​യി​യു​ടെ പി​താ​വ് റി​ട്ട. നാ​വി​ക​സേ​നാ ഉ​ദ്യോ​ഗ​സ്ഥ​നാ​യ ശി​വ​ന്‍ കു​ട്ടി​ക്കൊ​പ്പം നടക്കാൻ ഇറങ്ങി തി​രി​ച്ചു​വ​രി​ക​യാ​യി​രു​ന്നു. വീ​ടി​ന്‍റെ ഗേ​റ്റി​നു സ​മീ​പ​ത്തെ​ത്തു​മ്പോ​ള്‍ അ​ല്പം മു​ന്നി​ലാ​യി ന​ട​ന്നു​നീ​ങ്ങി​യ കു​ട്ടി​യെ പെ​ട്ടെ​ന്ന് അ​ടു​ത്തെ​ത്തി​യ കാ​ര്‍ നി​ര്‍​ത്തി അ​തി​ലേ​ക്ക് വ​ലി​ച്ചു​ക​യ​റ്റു​ക​യാ​യി​രു​ന്നു.

മാ​ലൂ​ര്‍ താ​ലൂ​ക്കി​ലെ കൂ​ര്‍​മ​ഹൊ​സ​ഹ​ള്ളി എ​ന്ന കുഗ്രാ​മ​ത്തി​ലെ ഒ​രു വിട്ടിലായിരുന്നു കുട്ടിയെ പാർപ്പിച്ചിരുന്നത്. പ്രതികളുടെ ഫോൺ നമ്പർ കേന്ദ്രീകരിച്ചു നടത്തിയ അന്വേഷണത്തിൽ പൊലീസ് ഇത് കണ്ടെത്തിയിരുന്നു. കു​ട്ടി​യു​ടെ സു​ര​ക്ഷി​ത​ത്വം മു​ന്‍​നി​ര്‍​ത്തി നേ​രി​ട്ടു​ള്ള ഓ​പ്പ​റേ​ഷ​ന് മു​തി​രാ​തെ കോ​ലാ​ര്‍ പോ​ലീ​സി​ന്‍റെ സ​ഹാ​യ​ത്തോ​ടെ വീ​ട് ക​ണ്ടെ​ത്തു​ക​യാ​യി​രു​ന്നു. ഇ​തി​നു​ശേ​ഷം വീ​ടും അ​വി​ടേ​ക്ക് പോ​യി വ​രു​ന്ന​വ​രും പോ​ലീ​സി​ന്‍റെ നി​ര​ന്ത​ര നി​രീ​ക്ഷ​ണ​ത്തി​ലാ​ക്കി.

സം​ഘാം​ഗ​ങ്ങ​ള്‍ ഉ​റ​ക്ക​ത്തി​ലാ​യി​രി​ക്കു​മ്പോ​ള്‍ ഇ​ന്ന​ലെ പു​ല​ര്‍​ച്ചെ പോ​ലീ​സ് വീ​ട്ടി​ലേ​ക്ക് കടന്നു​ക​യ​റി കു​ട്ടി​യെ മോ​ചി​പ്പി​ക്കു​ക​യാ​യി​രു​ന്നു. ദ​ക്ഷി​ണ​ക​ന്ന​ഡ ജി​ല്ലാ പോ​ലീ​സ് മേ​ധാ​വി ബി.​എ​ല്‍. ല​ക്ഷ്മി​പ്ര​സാ​ദും കോ​ലാ​ര്‍ ജി​ല്ലാ പോ​ലീ​സ് മേ​ധാ​വി കാ​ര്‍​ത്തി​ക് റെ​ഡ്ഡി​യും ഓ​പ്പ​റേ​ഷ​ന് നേ​തൃ​ത്വം ന​ല്‍​കി. കു​ട്ടി​യെ കു​ടും​ബാം​ഗ​ങ്ങ​ള്‍​ക്ക് കൈ​മാ​റി.