ഡിവോഴ്‌സ് കേസ് പിൻവലിച്ചില്ല; 80കാരനായ ഭർത്താവിന് നേരെ വെടിയുതിർത്ത് ഭാര്യ

വാഷിങ്ടൺ: വിവാഹ ബന്ധം വേർപിരിയുന്നതിനെ ചൊല്ലിയുള്ള തർക്കത്തിനിടെ ഭർത്താവിന് നേരെ വെടിയുതിർത്ത് ഭാര്യ. യുഎസിലെ അരിസോണയിലാണ് സംഭവം. സംഭവത്തിൽ 62കാരിയായ ക്രിസ്റ്റീന പാസ്ക്വലെറ്റോയെ പൊലീസ് അറസ്റ്റ് ചെയ്‌തു. കുടുംബ പ്രശ്‌നത്തെ തുടർന്ന് കുറച്ച് മാസങ്ങളായി ഇരുവരും വേർപിരിഞ്ഞാണ് താമസിക്കുന്നത്. തുടർന്ന് കഴിഞ്ഞ ബുധനാഴ്ച രാത്രി ഭർത്താവ് ജോൺ പാസ്ക്വലെറ്റോ വീട്ടിൽ എത്തി ഡിവോഴ്‌സ് കേസിൽ നിന്നും പിൻമാറണമെന്ന് ഭാര്യ ആവശ്യപ്പെട്ടു. എന്നാൽ ഇതിൽ നിന്ന് പിൻമാറാതെ വന്നതോടെയാണ് ഭർത്താവിന് നേരെ വെടിയുതിർത്തത്.