പ്രണയാഭ്യര്ത്ഥന നിരസിച്ച വീട്ടമ്മയെ വീട്ടിൽ കയറി ആക്രമിച്ച യുവാവ് അറസ്റ്റിൽ
- Published by:Rajesh V
- news18-malayalam
Last Updated:
വീട്ടമ്മ അനിഷ്ടം അറിയിച്ചിട്ടും പ്രതി നിരന്തരം ഫോണിലൂടെയും നേരിട്ടും ശല്യം ചെയ്യുകയും വീട്ടില് കയറി ആക്രമിക്കുകയും ചെയ്തെന്നാണ് പരാതി
കോട്ടയം: പ്രണയാഭ്യര്ത്ഥന നിരസിച്ച വീട്ടമ്മയെ പിന്നാലെ നടന്ന് നിരന്തരം ശല്യം ചെയ്യുകയും ഉപദ്രവിക്കാന് ശ്രമിക്കുകയും ചെയ്ത കേസില് യുവാവ് പിടിയില്. ചിങ്ങവനം പനച്ചിക്കാട് കുഴിമറ്റം ഭാഗത്ത് ഓലയിടം വീട്ടില് സച്ചു മോന് ആണ് അറസ്റ്റിലായത്.
ചിങ്ങവനം പൊലീസാണ് ഇയാളെ അറസ്റ്റ് ചെയ്തത്. വീട്ടമ്മയുടെ ഭര്ത്താവിനെ സച്ചു മോന് ഭീഷണിപ്പെടുത്തി എന്നും പരാതിയില് പറയുന്നു. വീട്ടമ്മ അനിഷ്ടം അറിയിച്ചിട്ടും പ്രതി നിരന്തരം ഫോണിലൂടെയും നേരിട്ടും ശല്യം ചെയ്യുകയും വീട്ടില് കയറി ആക്രമിക്കുകയും ചെയ്തെന്നാണ് പരാതിയില് പറയുന്നത്.
Also Read- വിവാഹത്തിൽ നിന്ന് പിന്മാറിയ കാമുകന്റെ ശരീരത്തിൽ തിളച്ച എണ്ണയൊഴിച്ചു പ്രതികാരം ചെയ്ത യുവതി അറസ്റ്റിൽ
advertisement
കൂടാതെ ഇവരുടെ ഭര്ത്താവിനെ ചീത്തവിളിക്കുകയും ഭീഷണി പെടുത്തുകയും ചെയ്തു. തുടര്ന്ന് വീട്ടമ്മ പൊലീസിന് പരാതി നല്കുകയായിരുന്നു. ചിങ്ങവനം എസ് എച്ച് ഓ ജിജു ടി ആറിന്റെ നേതൃത്വത്തിലുള്ള പൊലീസ് സംഘം ഇയാളെ അറസ്റ്റ് ചെയ്ത് കോടതിയില് ഹാജരാക്കി.
Location :
Kottayam,Kottayam,Kerala
First Published :
Mar 13, 2023 7:58 AM IST
മലയാളം വാർത്തകൾ/ വാർത്ത/Crime/
പ്രണയാഭ്യര്ത്ഥന നിരസിച്ച വീട്ടമ്മയെ വീട്ടിൽ കയറി ആക്രമിച്ച യുവാവ് അറസ്റ്റിൽ
