എഥനോൾ, മെഥനോൾ മിശ്രിത ഇന്ധനത്തിന്റെ ഗുണങ്ങൾ എന്തെല്ലാം?

രണ്ട് വ്യത്യസത ആൾക്കഹോളുകളാണ് ഇവ. എഥനോൾ ( C2H5OH ), മെഥനോൾ ( CH3OH) എന്നിവ പ്രകൃതിയിൽ തന്നെയുള്ള പഴകിയതും പുനരുൽപ്പാദന ശേഷി ഉള്ളതുമായ വസ്തുക്കളിൽ നിന്നും നിർമ്മിച്ചെടുക്കുന്നവയാണ്. കരിമ്പ്, ഗോതമ്പ്, ചോളം തുടങ്ങിയ സ്റ്റാർച്ച് അടങ്ങിയ പദാർത്ഥങ്ങളിൽ നിന്നുമാണ് എഥനോൾ പ്രധാനമായും നിർമ്മിക്കുന്നത്. ഇന്ത്യയിൽ കരിമ്പിന്റെ ഫെർമന്റെഷൻ വഴിയാണ് എഥനോൾ നിർമ്മിക്കുന്നത്.

കൃഷിയിൽ നിന്നും മറ്റുമുണ്ടാകുന്ന അസംസ്കൃത വസ്തുക്കൾ ഉപയോഗിച്ച് ഏതാണ്ട് 99.9 ശതമാനം ശുദ്ധമായ ആൽക്കഹോൾ നിർമ്മിക്കുന്നു അതിനെ പെട്രോളുമായി കൂട്ടിക്കലർത്തുന്ന പ്രക്രിയയാണ് ഇത്. 2025 ഓടെ 20 ശതമാനം എഥനോൾ പെട്രോളിൽ കലർത്തി ഉപയോഗിക്കും എന്ന് പ്രധാനമന്ത്രി നരേന്ദ്ര മോദി പറഞ്ഞിരുന്നു. രാജ്യത്തെ ഏതാണ്ട് 1000 ഓളം പെട്രോൾ പമ്പുകളിൽ ഇപ്പോൾ തന്നെ 20 ശതമാനം എഥനോൾ ചേർത്ത ഇന്ധനം ലഭ്യമാണ്.ടോയോട്ട ഇന്നോവ കാർ 100 ശതമാനം എഥനോൾ ഉപയോഗിച്ച് പ്രവർത്തിക്കുമെന്നും അങ്ങനെ പ്രവർത്തിക്കുന്ന ലോകത്തിലെ ആദ്യ വാഹനമാണ് ഇതെന്നും കേന്ദ്ര ഗതാഗത മന്ത്രി നിതിൻ ഗഡ്കരി പറഞ്ഞു.

ഒരുപാട് ഉപയോഗമുള്ള ഇന്ധനമാണ് മെഥനോൾ. മെഥനോളിനെ പെട്രോളുമായി കലർത്തി ഇന്ധനമായി ഉപയോഗിക്കാൻ സാധിക്കും. ഇറക്കുമതിയുടെ മേൽ രാജ്യത്തിനുള്ള ആശ്രയത്വം കുറയ്ക്കാൻ മെഥനോൾ ഉപയത്തിലൂടെ സാധിക്കുമെന്ന് കേന്ദ്രമന്ത്രി നിതിൻ ഗഡ്കരി പറഞ്ഞു. 15 ശതമാനം മെഥനോൾ കലർത്തിയ ഡീസൽ അവതരിപ്പിക്കുന്നതുമായി ബന്ധപ്പെട്ട ചർച്ചകൾ പുരോഗമിക്കുകയാണെന്നും അദ്ദേഹം പറഞ്ഞു. 15 ശതമാനം മെഥനോളും 85 ശതമാനം ഗാസോലിനും ചേർന്ന M15 പെട്രോൾ കഴിഞ്ഞ വർഷം ആസ്സാമിൽ അവതരിപ്പിച്ച് പരീക്ഷിച്ചിരുന്നു.15 ശതമാനം മെഥനോൾ അടങ്ങിയ ഇന്ധനം ഉപയോഗിക്കുന്ന ഇരുപതോളം ബസുകളെ ബംഗ്ലൂർ മെട്രോ പോളിറ്റൻ കോർപറേഷൻ അവതരിപ്പിച്ചിരുന്നു.

മലിനീകരണം വളരെ കുറവാണ് എന്നതാണ് എഥനോൾ കലർത്തിയ ഇന്ധനത്തിന്റെ പ്രധാന ഗുണം. അതുകൊണ്ട് തന്നെ ഇറക്കുമതി ചെലവ് കുറയുകയും കർഷകർക്ക് ധാരാളം കരിമ്പ് കൃഷി ചെയ്യാനുള്ള അവസരം ഉണ്ടാവുകയും ചെയ്യും.

കർഷകർക്ക് ഏതാണ്ട് 49,078 കോടിയുടെ ലാഭം ഇതിലൂടെ ഉണ്ടായതായി കണക്കുകൾ സൂചിപ്പിക്കുന്നു. രാജ്യത്തിന് 53,894 കോടിയും ലാഭം ഉണ്ടായി. 318 ലക്ഷം ടൺ കാർബൺ ഡൈ ഓക്സൈഡ് ഉത്പാദനം കുറഞ്ഞുവെന്നും പറയുന്നു.