ഗ്രീസിൽ ബീച്ച് ടവൽ പ്രക്ഷോഭം: പോരാട്ടം എന്തിനു വേണ്ടി?

ഗ്രീസ് ഇപ്പോൾ ഒരു പ്രക്ഷോഭാന്തരീക്ഷത്തിലൂടെയാണ് കടന്നു പോകുന്നത്. ഗ്രീസിന്റെ മനോഹാരിതയ്ക്ക് പിന്നിൽ ഇവിടുത്തെ ബീച്ചുകൾക്കുള്ള പങ്ക് ചെറുതല്ല. എന്നാൽ ഇപ്പോൾ ഗ്രീസിലെ ദ്വീപുകളും ബീച്ചുകളും അമിത ടൂറിസത്തെ തുടർന്ന് ചില പ്രതിസന്ധികൾ നേരിട്ടുകൊണ്ടിരിക്കുകയാണ്. ഈ മേഖലയിലെ ബീച്ചുകളിലേക്കുള്ള സൗജന്യ പ്രവേശനത്തിനായാണ് ഗ്രീക്ക് ദ്വീപ് നിവാസികൾ പോരാടുന്നത്. ഇതിനെ തുടർന്ന് ഈ പ്രക്ഷോഭത്തിന് പിന്തുണ നൽകിക്കൊണ്ട് ചലച്ചിത്ര സംവിധായകർ അടക്കം രംഗത്തെത്തുകയും ചെയ്തു. പ്രക്ഷോഭത്തിന്റെ ഭാഗമായി പ്രശസ്ത ചലച്ചിത്ര സംവിധായകൻ പനോസ് കേകാസ് ബീച്ചുകളുടെ സ്വകാര്യവൽക്കരണത്തെ ആസ്പദമാക്കി ഒരു ഹ്രസ്വചിത്രവും നിർമ്മിച്ചിരുന്നു.