ഒന്ന് സൂക്ഷിച്ചു നോക്കിയേ! സ്മാര്‍ട്ട് ഫോണ്‍ ഉപയോഗം നിങ്ങളുടെ ചെറുവിരലിന്റെ ഷേപ്പ് മാറ്റിയിട്ടുണ്ടോ?

നമ്മുടെ ജീവിതത്തിന്റെ ഒഴിച്ചുകൂടാനാകാത്ത ഒരുഭാഗമായി മാറിയിരിക്കുകയാണ് ഇന്ന് സ്മാര്‍ട്ട് ഫോണുകൾ. എന്നാല്‍ അമിതമായ സ്മാര്‍ട്ട്‌ഫോണ്‍ ഉപയോഗം കൈവിരലുകളുടെ ഷേപ്പിൽ മാറ്റങ്ങള്‍ വരുത്തുമെന്ന് ചിലര്‍ അവകാശപ്പെടുന്നു. 'ഐഫോണ്‍ ഫിംഗര്‍' എന്ന് പറയപ്പെടുന്ന ഈ പ്രതിഭാസം നമ്മുടെ കൈവിരലുകളെ ബാധിക്കുന്നത് എങ്ങനെയെന്ന് നോക്കാം. ടിക് ടോക്കില്‍ ഷെയര്‍ ചെയ്ത ടിജെ ഷോയുടെ മാര്‍ച്ച് മാസത്തിലെ എപ്പിസോഡിലാണ് ഐഫോണ്‍ ഫിംഗര്‍ പ്രതിഭാസത്തെപ്പറ്റി വലിയ രീതിയില്‍ ചര്‍ച്ച ചെയ്യുന്നത്. സ്മാര്‍ട്ട് ഫോണുകളുടെ ഭാരം നമ്മുടെ ചെറുവിരലുകള്‍ താങ്ങുന്നുവെന്നും ഇത് ചെറുവിരലുകളുടെ ആകൃതിയില്‍ വ്യത്യാസമുണ്ടാക്കുമെന്നാണ് ഷോയില്‍ ചിലര്‍ പറയുന്നത്.