ഇനി പഴയ പണി നടക്കില്ല; രാജ്യത്തെ ഡ്രൈവിങ് ലൈസൻസ് നിയമങ്ങൾ ജൂൺ ഒന്ന് മുതൽ മാറുന്നു
- Published by:Vishnupriya S
- news18-malayalam
Last Updated:
അപേക്ഷ മുതൽ ലൈസൻസ് വരെ ഇനിയെളുപ്പം...!
ഇന്ത്യയിൽ ഡ്രൈവിങ് ലൈസൻസ് ലഭിക്കുകയെന്നത് അത്ര എളുപ്പമുള്ള കാര്യമല്ല. അപേക്ഷിക്കുന്നത് മുതൽ ഡ്രൈവിങ് ടെസ്റ്റിൽ വിജയിക്കുന്നത് വരെ നിരവധി ഘട്ടങ്ങളിലൂടെ പോയി വേണം ലൈസൻസ് ലഭിക്കാൻ. പല തവണ ആർടിഒ ഓഫീസ് കയറിയിറങ്ങിയിട്ടായിരിക്കും പലർക്കും ലൈസൻസ് ലഭിച്ചിരിക്കുക. നിയമത്തിൻെറ നൂലാമാലകൾ ഉദ്യോഗസ്ഥരുടെ അലസതയുമെല്ലാം പലപ്പോഴും പ്രതിസന്ധികൾ സൃഷ്ടിക്കാറുണ്ട്. ഈ പ്രശ്നങ്ങളെല്ലാം പരിഹരിക്കാൻ ജൂൺ 1 മുതൽ രാജ്യത്തെ ഡ്രൈവിങ് ലൈസൻസ് നിയമങ്ങളിൽ പരിഷ്കാരം വരുത്തിയിരിക്കുകയാണ് കേന്ദ്ര റോഡ് ഗതാഗത മന്ത്രാലയം. നിയമങ്ങളിലെ പ്രധാനപ്പെട്ട മാറ്റങ്ങൾ എന്തെല്ലാമെന്ന് അറിയാം...
പിഴ വർധിപ്പിക്കും
ഗതാഗത നിയമങ്ങൾ ലംഘിക്കുന്നവർക്കെതിരെ കൂടുതൽ പിഴ ചുമത്താനാണ് പുതിയ തീരുമാനം. അമിത വേഗതയിൽ വാഹനം ഓടിക്കുന്നവർ അടയ്ക്കേണ്ട പിഴത്തുക വർധിക്കും. ലൈസൻസ് ഇല്ലാതെ വാഹനം ഓടിക്കുന്നവർ 1000 രൂപ മുതൽ 2000 രൂപ വരെ പിഴ അടയ്ക്കേണ്ടി വരും. പ്രായപൂർത്തിയാകാത്തവർ വാഹനം ഓടിച്ച് പിടിക്കപ്പെട്ടാൽ അവരുടെ രക്ഷിതാക്കൾ നിയമ നടപടി നേരിടേണ്ടി വരും. 25000 രൂപ പിഴ അടയ്ക്കേണ്ടിയും വരും. 25 വയസ്സ് തികയുന്നത് വരെ ഇവർക്ക് ലൈസൻസ് അനുവദിക്കില്ല.
advertisement
ആർടിഒ ഓഫീൽ നിന്ന് തന്നെ ഡ്രൈവിങ് ടെസ്റ്റ് ചെയ്യേണ്ടതില്ല
ലൈസൻസിനായി അപേക്ഷിക്കുന്നവർ പ്രാദേശിക ആർടി ഓഫീസിൽ നിന്ന് തന്നെ ഡ്രൈവിങ് ടെസ്റ്റ് ചെയ്യണമെന്ന നിർബന്ധം ഇനിയുണ്ടാവില്ല. സ്വകാര്യ സ്ഥാപനങ്ങൾക്ക് ഡ്രൈവിങ് ടെസ്റ്റ് നടത്താനുള്ള അനുമതി നടത്താനുള്ള ശ്രമത്തിലാണ് കേന്ദ്ര സർക്കാർ.
സ്വകാര്യ ഡ്രൈവിങ് സ്കൂളുകൾക്കായിരിക്കും ടെസ്റ്റ് നടത്താനുള്ള അനുമതി നൽകുക. ഇതിനായി യോഗ്യത നേടാൻ ചില മാനദണ്ഡങ്ങൾ പുറത്തിറക്കിയിട്ടുണ്ട്. ടെസ്റ്റ് ചെയ്യാൻ ആവശ്യത്തിന് സ്ഥലവും സൌകര്യവും യോഗ്യതയുള്ള ആളുകളുമുള്ള സ്ഥാപനങ്ങൾക്ക് മാത്രമേ ടെസ്റ്റ് നടത്താൻ അനുമതി നൽകുകയുള്ളൂ.
advertisement
അപേക്ഷ മുതൽ ലൈസൻസ് വരെ ഇനിയെളുപ്പം...
ഡ്രൈവിങ് ലൈസൻസിന് അപേക്ഷിക്കുന്നത് മുതൽ അത് കയ്യിൽ കിട്ടുന്നത് വരെയുള്ള പ്രക്രിയ കൂടുതൽ എളുപ്പമാക്കിയിരിക്കുകയാണ് കേന്ദ്ര ഗതാഗത മന്ത്രാലയം. ഓൺലൈനായും ആർടിഒ ഓഫീസുകളിൽ നേരിട്ടും ഡ്രൈവിങ് ലൈസൻസിനായി അപേക്ഷ സമർപ്പിക്കാവുന്നതാണ്. ഇരു ചക്ര വാഹനങ്ങളുടെ ലൈസൻസിന് അപേക്ഷിക്കുന്നവരും നാല് ചക്ര വാഹനങ്ങളുടെ ലൈസൻസിന് അപേക്ഷിക്കുന്നവരും നൽകേണ്ട രേഖകളിൽ വ്യത്യാസമുണ്ടാവും.
ഫീസ് അറിയാം
പുതിയ നിയമം പ്രകാരം ലേണേഴ്സ് ലൈസൻസിന് അപേക്ഷിക്കാൻ 150 രൂപയാണ് നൽകേണ്ടത്. ടെസ്റ്റിനും റീ ടെസ്റ്റിനും 50 രൂപയായിരിക്കും അധിക ഫീസ്. സാധാരണ ഡ്രൈവിങ് ടെസ്റ്റിനും റീ ടെസ്റ്റിനും 300 രൂപയാണ് ഫീസ്. ഡ്രൈവിങ് ലൈസൻസ് ലഭിക്കുന്നതിന് 200 രൂപയാണ് അടയ്ക്കേണ്ടതായി വരിക. അന്താരാഷ്ട്ര ഡ്രൈവിങ് പെർമിറ്റിന് 1000 രൂപയാണ് അടയ്ക്കേണ്ടത്. ചരക്കുഗതാഗത വാഹനങ്ങളുടെ ലൈസൻസിന് അപേക്ഷിക്കുന്നവർ 200 രൂപയാണ് ഫീസ് അടയ്ക്കേണ്ടത്. ലൈസൻസ് പുതുക്കുന്നതിനും 200 രൂപ ഫീസ് വേണ്ടി വരും.
ലോകമെമ്പാടു നിന്നുള്ള ബ്രേക്കിംഗ് ന്യൂസുകളുടെ ആഴത്തിലുള്ള വിശകലനത്തിന് News18 മലയാളത്തിനൊപ്പം വരൂ
Location :
New Delhi,Delhi
First Published :
May 24, 2024 12:52 PM IST
മലയാളം വാർത്തകൾ/ വാർത്ത/Explained/
ഇനി പഴയ പണി നടക്കില്ല; രാജ്യത്തെ ഡ്രൈവിങ് ലൈസൻസ് നിയമങ്ങൾ ജൂൺ ഒന്ന് മുതൽ മാറുന്നു
