ഷെങ്കൻ വിസയിൽ മാറ്റം; ഇനി ഇന്ത്യക്കാർക്ക് യൂറോപ്പിലേക്ക് എളുപ്പം പറക്കാം

യൂറോപ്യൻ യൂണിയനിലെ 25 രാജ്യങ്ങളിലേക്ക് പ്രവേശനം നൽകുന്ന വിസയാണ് ഷെങ്കൻ വിസ. യൂണിയനിൽ ആകെയുള്ളത് 27 രാജ്യങ്ങളാണ്. സൈപ്രസ്, റിപ്പബ്ലിക് ഓഫ് അയർലണ്ട് എന്നീ രാജ്യങ്ങൾ ഈ വിസയുടെ പരിധിയിൽ വരുന്നില്ല. ബെൽജിയം, ഫ്രാൻസ്, ജർമ്മനി, ഇറ്റലി, സ്പെയിൻ, ഐസ്‌ലാൻഡ്, ലിച്ചെൻസ്റ്റീൻ, നോർവേ, സ്വിറ്റ്‌സർലൻഡ് തുടങ്ങിയ രാജ്യങ്ങൾ ഇതിൽ ഉൾപ്പെടുന്നു. വൈവിധ്യമാർന്ന സാംസ്കാരിക അനുഭവങ്ങളാണ് ഇവിടെ നിന്നും സഞ്ചാരികൾക്ക് ലഭിക്കുക. രാജ്യങ്ങളുടെ അതിർത്തികൾ മാറുമ്പോൾ ഷെങ്കൻ വിസയുള്ള യാത്രികർക്ക് യാതൊരു തരത്തിലുള്ള ബുദ്ധിമുട്ടും ഉണ്ടാവുകയില്ല.

ഷെങ്കൻ വിസയിൽ പുതിയ ചില പരിഷ്കാരങ്ങൾ വരുത്തിയിരിക്കുകയാണ് യൂറോപ്യൻ യൂണിയൻ. ഇന്ത്യൻ യാത്രക്കാ‍ർക്ക് കൂടുതൽ സൗകര്യങ്ങൾ നൽകുന്നതാണ് മാറ്റങ്ങൾ. രണ്ട് വ‍ർഷത്തെ സമയപരിധിയിൽ വരെ ഇനി വിസ ലഭിക്കും. നേരത്തെ കുറഞ്ഞ കാലയളവിനാണ് വിസ ലഭിച്ചിരുന്നത്. എല്ലാവർക്കും രണ്ട് വർഷത്തേക്ക് വിസ ലഭിക്കില്ല. അതിന് ചില മാനദണ്ഡങ്ങളുണ്ട്.