'ലോകത്തിലെ അതിഭീകരമായ ജയിൽ'; എൽ സാൽവഡോറിൽ മരിച്ചത് 153 തടവുകാർ

കഴിഞ്ഞ വർഷം മാർച്ചിൽ സാൽവഡോറിയൻ പ്രസിഡന്റ് നയിബ് ബുകെലെ രാജ്യത്തെ ക്രിമിനൽ സംഘങ്ങൾക്കെതിരെ നടത്തിയ പോരാട്ടത്തിൽ നിരവധി പേരാണ് ജയിലിലായത്. 67000-ത്തിലധികം പേരെയാണ് ഇതോടെ അറസ്റ്റ് ചെയ്ത് എൽ സാൽവഡോർ ജയിലിൽ അടച്ചത്. എന്നാൽ ഇപ്പോൾ എൽ സാൽവഡോർ ജയിലിൽ 153 തടവുകാർ മരണപ്പെട്ടു എന്ന റിപ്പോർട്ടാണ് പുറത്തുവരുന്നത്.

Also Read- 50 വർഷം മുൻപ് ടാസ്മാനിയയിൽ കാണാതായ കപ്പലിന്റെ അവശിഷ്ടങ്ങൾ കണ്ടെത്തി; ഇന്നും ചുരുളഴിയാത്ത ചില സമാന സംഭവങ്ങൾ

എക്കാലത്തെയും ഭീകരമായ ജയിൽ എന്നാണ് എൽ സാൽവഡോർ ജയിലിനെ വിശേഷിപ്പിക്കാറുള്ളത്. തടവുകാരെ കന്നുകാലികളെ പോലെ തല കുനിച്ച് നിർത്തി നഗ്നമാക്കി സോമ്പികളെപ്പോലെ നടത്തിക്കും. കൂടാതെ കുറ്റവാളികളുടെ കൈകളും കാലുകളും ചങ്ങലകൊണ്ട് ബന്ധിക്കും. അവരുടെ ശരീരത്തിൽ ടാറ്റുകൾ പതിപ്പിക്കും. ഒറ്റനോട്ടത്തിൽ എല്ലാവരും ഒരുപോലെ കാണപ്പെടും. ഇതിനുള്ളിലെ വേദനയും പീഡനവും സഹിക്കാതെ ആണ് കസ്റ്റഡിയിൽ ഉണ്ടായിരുന്ന 153 തടവുകാർ മരിച്ചതെന്നാണ് റിപ്പോർട്ടുകൾ.

Also Read- സുവിശേഷകനെ വിശ്വസിച്ച് സ്വർഗം കാണാൻ പട്ടിണി കിടന്ന് നൂറിലേറെപ്പേരുടെ മരണം; ലോകത്തെ നടുക്കി കെനിയ

ഇവരുടെ ശരീരത്തിൽ സാരമായ മുറിവുകളുടെ പാടുകൾ ഉണ്ട്. പലർക്കും പ്രാഥമിക വൈദ്യസഹായം പോലും നൽകിയിട്ടുമില്ല. പോഷകാഹാരക്കുറവും ഭക്ഷണം നൽകുന്നതിലെ അശ്രദ്ധയും മേൽ അധികൃതരുടെ പീഡനവുമാണ് അന്തേവാസികളുടെ അതിദാരുണമായ മരണത്തിനിടയാക്കിയതെന്നും സംഘടന ആരോപിക്കുന്നു. ജീവിക്കാനുള്ള അവരുടെ അടിസ്ഥാന മനുഷ്യാവകാശങ്ങളുടെ ലംഘനമാണ് ഇതെന്നാണ് റിപ്പോർട്ട്. ജയിൽ ഉദ്യോഗസ്ഥരുടെ ഇത്തരം മോശം പ്രവൃത്തികൾക്കെതിരെ അധികൃതർ കർശന നടപടികൾ സ്വീകരിക്കണമെന്നാണ് ക്രിസ്റ്റോസലിന്റെ ആവശ്യം. തടവുകാരുടെ നിലവിലെ സാഹചര്യത്തെ കുറിച്ചുള്ള വിവരങ്ങൾ പങ്കുവെക്കാൻ നയിബ് ബുക്കേലെ ആവശ്യപ്പെട്ടിട്ടുണ്ട്.