കേരളം കീഴടക്കാന്‍ സൂര്യയുടെ കങ്കുവ വരുന്നു' ;500 -ൽ അധികം സ്ക്രീനുകൾ,100 ൽ അധികം ഫാൻസ്‌ ഷോ

സൂപ്പർ താരം സൂര്യ നായകനായി എത്തുന്ന ബ്രഹ്മാണ്ഡ ചിത്രമാണ് ‘കങ്കുവ’. വൻ ബജറ്റിൽ ഒരുങ്ങുന്ന ചിത്രത്തിനായി സിനിമ പ്രേമികൾ ഏറെ ആവേശത്തോടെയാണ് കാത്തിരിക്കുന്നത് . വലിയ ഹൈപ്പിൽ എത്തുന്ന സിനിമയിൽ കേരളത്തിലെ പ്രേക്ഷകർക്കും വലിയ പ്രതീക്ഷയാണുള്ളത്. ചിത്രം കേരളത്തിൽ 500 ൽ അധികം സ്‌ക്രീനുകളിലാണ് റിലീസ് ചെയ്യുക. അതിനൊപ്പം 100 ൽ അധികം ഫാൻസ്‌ ഷോകളും സിനിമയ്ക്ക് ഉണ്ടാകുമെന്നാണ് റിപ്പോർട്ടുകൾ സൂചിപ്പിക്കുന്നത്. ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനാണ് ചിത്രം കേരളത്തിലെത്തിക്കുന്നത്. ചിത്രത്തിൽ രണ്ട് വ്യത്യസ്ത ഗെറ്റപ്പുകളിലാണ് സൂര്യ എത്തുന്നത് . സൂര്യയുടെ പുതിയ കാലഘട്ടത്തിലെ പോസ്റ്റർ ഇതിനോടകം തന്നെ വൈറലായി കഴിഞ്ഞു .ചിത്രത്തിന്റേതായി പുറത്തുവരുന്ന ഓരോ അപ്ഡേറ്റുകളും ആരാധകർക്കിടയിൽ വലിയ ഓളം സൃഷിടിക്കുന്നുണ്ട്.