ഫാമിലിമാനിലൂടെ പ്രേക്ഷകരുടെ മനം കവർന്ന് പ്രിയാമണി; വിദ്യാ ബാലന്റെ കസിൻ ആണോ താരം?

കഴിഞ്ഞ ആഴ്ചയാണ് പ്രശസ്ത തെന്നിന്ത്യൻ താരമായ പ്രിയാമണി തന്റെ മുപ്പത്തിയേഴാമത്തെ ജന്മദിനം ആഘോഷിച്ചത്. ബോളിവുഡ് താരം മനോജ് ബാജ്പയിക്കൊപ്പം അഭിനയിച്ച ഫാമിലിമാനിലെ മികച്ച പ്രകടനം വഴി പ്രേക്ഷകരുടെ മനം കവർന്നു കൊണ്ടിരിക്കുകയാണ് ഇപ്പോൾ താരം. സൂചി എന്ന കഥാപാത്രത്തെയാണ് പ്രിയാമണി അവതരിപ്പിച്ചത്. കഴിഞ്ഞ ഏതാനും വർഷങ്ങളായി വ്യത്യസ്തമായ റോളുകളിലായി വളരെ ശ്രദ്ധേയമായ ചിത്രങ്ങൾ പ്രിയാമണി ചെയ്തിട്ടുണ്ട്. പ്രശസ്ത ബോളിവുഡ് നടിയായ വിദ്യാ ബാലന്റെ കസിനായതു കൊണ്ട് തന്നെ താരത്തിന്റെ പ്രകടനം സിനിമാ ആസ്വാദകർക്ക് ഒട്ടും അത്ഭുതം ഇല്ലാത്തതാണ്. രണ്ടു താരങ്ങളും ബന്ധുക്കളാണെന്നത് സിനിമാ മേഖലയിൽ അധികമാളുകൾക്കും അറിയില്ല എന്നതാണ് വസ്തുത.