മോഹൻലാലും വിനയനും ഒന്നിക്കുന്നു

ഒടുവിൽ ആ സന്തോഷ വാർത്തയെത്തി. മലയാളത്തിന്റെ പ്രിയ നടൻ മോഹൻലാലും സംവിധായകൻ വിനയനും ഒന്നിച്ചൊരു സിനിമ ചെയ്യുന്നു. ആദ്യമായാണ് ഇരുവരും ഒന്നിക്കുന്നത്. വിനയൻ തന്നെയാണ് സോഷ്യൽ‌ മീഡിയയിലൂടെ ഇക്കാര്യം അറിയിച്ചത്. ഇരുവരും തമ്മിൽ നിലനിന്ന ചെറിയ പിണക്കങ്ങളാണ് സിനിമ വൈകിച്ചത്. 'ഇന്നു രാവിലെ ശ്രീ മോഹൻലാലുമായി കുറേ നേരം സംസാരിച്ചിരുന്നു..വളരെ പോസിറ്റീവായ ഒരു ചർച്ചയായിരുന്നു അത്..ശ്രീ മോഹൻലാലും ഞാനും ചേർന്ന ഒരു സിനിമ ഉണ്ടാകാൻ പോകുന്നു എന്ന സന്തോഷകരമായ വാർത്ത സഹൃദയരായ എല്ലാ സിനിമാ സ്നേഹികളെയും എന്റെ പ്രിയ സുഹൃത്തുക്കളെയും.. സ്നേഹപൂർവം അറിയിച്ചു കൊള്ളട്ടെ... കഥയെപ്പറ്റിയുള്ള അവസാന തീരുമാനം ആയിട്ടില്ല.. ഏതായാലും മാർച്ച് അവസാനവാരം ഷൂട്ടിങ് തുടങ്ങുന്ന എന്റെ പുതിയ ചിത്രത്തിനു ശേഷം ഈ ചിത്രത്തിന്റെ പേപ്പർ ജോലികൾ ആരംഭിക്കും.. വലിയ കാൻവാസിൽ കഥ പറയുന്ന ബൃഹുത്തായ ഒരു ചിത്രമായിരിക്കും അത്.. ഏവരുടെയും സ്നേഹവും സഹകരണവും പ്രതീക്ഷിക്കുന്നു...'- വിനയൻ ഫേസ്ബുക്കിൽ കുറിച്ചു.