'കുംകി' യിലെ വിക്രം പ്രഭുവിന്റെ മാണിക്യം; കൊമ്പന്‍ ചെമ്മരപ്പള്ളി മാണിക്യൻ ചരിഞ്ഞു

Published by:Sneha Reghu
news18-malayalam

Last Updated:May 19, 2025 12:27 PM IST

2012-ലായിരുന്നു കുംകി സിനിമ പുറത്തിറങ്ങിയത്

പത്തനംതിട്ട: വിക്രം പ്രഭു നായകനായെത്തിയ തമിഴ് സിനിമ കുംകിയിൽ മാണിക്കം എന്ന പേരിലെത്തിയ ആന കോട്ടാങ്ങൽ ചെമ്മരപ്പള്ളി മാണിക്യൻ ചരിഞ്ഞു. 46-വയസായിരുന്നു മാണിക്യന്. പോസ്റ്റുമോർട്ടത്തിന് ശേഷം റാന്നി ചിറ്റാറിൽ സംസ്കരിച്ചു.

2012-ലായിരുന്നു കുംകി സിനിമ പുറത്തിറങ്ങിയത്. പ്രഭു സോളമൻ സംവിധാനംചെയ്ത ചിത്രത്തിൽ വിക്രം പ്രഭുവും ലക്ഷ്മിമേനോനുമായിരുന്നു പ്രധാന വേഷങ്ങളിൽ അഭിനയിച്ചത്. ഒരു പാപ്പാനും അവന്റെ പരിശീലനം ലഭിച്ച ആനയും തമ്മിലുള്ള ബന്ധത്തെ ചുറ്റിപ്പറ്റിയുള്ളതാണ് കഥ.

ചിത്രത്തിലെ ആനയ്ക്ക് മികച്ച പ്രശംസയും ലഭിച്ചിരുന്നു. മനുഷ്യരും ആനകളും തമ്മിലുള്ള ബന്ധം എടുത്തുകാണിക്കുന്ന ചിത്രം, വന്യജീവി സംരക്ഷണവുമായി ബന്ധപ്പെട്ട വിഷയങ്ങളിലേക്കും ശ്രദ്ധക്ഷണിച്ചിരുന്നു.