Kaapa Movie| പൃഥ്വിരാജും മഞ്ജുവാര്യരും ആദ്യമായി ഒരുമിക്കുന്നു; ഒപ്പം ആസിഫ് അലിയും അന്ന ബെന്നും; കാപ്പയുമായി മമ്മൂട്ടിയും മോഹൻലാലും

മലയാളത്തിന്റെ പ്രിയതാരങ്ങളായ പൃഥ്വിരാജും മഞ്ജുവാര്യരും ആദ്യമായി ഒരുമിച്ച് മുഴുനീള കഥാപാത്രങ്ങളായി എത്തുന്നു. വേണു സംവിധാനം ചെയ്യുന്ന കാപ്പ എന്ന സിനിമയിലാണ് ഇരുവരും ഒന്നിക്കുന്നത്. മമ്മൂട്ടിയും മോഹൻലാലുമാണ് പുതിയ സിനിമ സോഷ്യൽ മീഡിയയിൽ പ്രഖ്യാപിച്ചത്. ഒരു മിനിറ്റിലധികം ദൈർഘ്യമുള്ള മോഷൻ പോസ്റ്ററും പുറത്തിറക്കി. ആസിഫ് അലിയും അന്ന ബെന്നും സിനിമയിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. തിരുവനന്തപുരത്തിന്റെ കഥയാണ് സിനിമ പറയുന്നത്.