ഷെഫ് രായേഷിനൊപ്പം നാടൻ ഹോട്ടലിന്റെ അടുക്കളയിൽ ലുങ്കി മടക്കിക്കുത്തി ഷെഫ് പിള്ള; രസം നിറഞ്ഞ ടീസറുമായി 'ചീനാ ട്രോഫി'

സ്വാദേറിയ നാടൻ ഭക്ഷണങ്ങളുടെ പട്ടികയിലൂടെ പ്രേക്ഷകരെ രുചിയുടെ ലോകത്തിലേക്ക് കൂട്ടിക്കൊണ്ടു പോകുന്ന ചിത്രമാണ് ചീനാ ട്രോഫി. ചിത്രത്തിൻ്റെ ഒഫീഷ്യൽ ടീസർ പുറത്തുവിട്ടു. നാട്ടിലെ നല്ല നാടൻ ഭക്ഷണങ്ങളെ പ്രാധാന്യത്തോടെ വെളിപ്പെടുത്തുന്ന ടീസറാണ്. നവാഗതനായ അനിൽ ലാൽ തിരക്കഥ രചിച്ച് സംവിധാനം ചെയ്യുന്ന ചിത്രം പ്രസിഡൻഷ്യൻ മൂവീസ് ലിമിറ്റഡിൻ്റെ ബാനറിൽ അനൂപ് മോഹൻ, ആഷ്ലി മേരി ജോയ്, ലിജോ ഉലഹന്നൻ എന്നിവരാണ് നിർമ്മിക്കുന്നത്. ഷെഫ് പിള്ളയുടെ സർപ്രൈസ് എൻട്രിയാണ് ഹൈലൈറ്റ്.