ഭാര്യ കേട്ടു നിൽക്കെ 'സുന്ദരിയെ' വീട്ടിൽ കൊണ്ട് പൊയ്‌ക്കോട്ടേ എന്ന് രൺവീർ

ഭാര്യ ദീപിക പദുകോൺ മുന്നിൽ നിൽക്കുമ്പോഴും രൺവീർ ആ 'സുന്ദരിയുടെ' മുഖത്തു നിന്നും കണ്ണെടുത്തില്ല. പിന്നെ അവൾക്കു ചുറ്റും ഒന്ന് വട്ടമിട്ടു നടന്നു. അംഗപ്രത്യംഗം ഒന്ന് വീക്ഷിച്ചു. ഉടനെ ഒരു ചോദ്യം 'വീട്ടിൽ കൊണ്ട് പൊയ്‌ക്കോട്ടെ' എന്ന്! എങ്ങനെ ചോദിക്കാതിരിക്കും? അതീവ സുന്ദരിയാണിവൾ. ഷാംപെയ്ൻ കളർ ലഹങ്കയും, ഡയമണ്ട്-എമറാൾഡ് നെക് പീസും കമ്മലും ഇട്ടവൾ നിന്നാൽ ദീപികയെക്കാൾ സുന്ദരി അല്ലെന്നു ആരും പറയില്ല. ലണ്ടനിലെ മാഡം തുസാഡ്‌സ് വാക്സ് മ്യൂസിയത്തിലാണ് ദീപികയുടെ ജീവൻ തുടിക്കുന്ന മെഴുകു പ്രതിമ അനാച്ഛാദനം ചെയ്യപ്പെട്ടത്. ദീപികയും, ഭർത്താവ് രൺവീറും മറ്റു കുടുംബാംഗങ്ങളും പങ്കെടുത്ത ചടങ്ങായിരുന്നു.