ദുൽഖറിന് നായിക കല്യാണി പ്രിയദർശൻ
Last Updated:
ദുൽഖർ സൽമാൻറെ പുതിയ തമിഴ് ചിത്രം വാനിൽ കല്യാണി പ്രിയദർശൻ നായിക. ചിത്രത്തിന്റെ പൂജ കഴിഞ്ഞതിനു തൊട്ട് പിന്നാലെയാണ് നായിക കല്യാണിയെന്ന വാർത്തയും പുറത്തു വരുന്നത്. വാൻ കല്യാണിയുടെ ആദ്യ തമിഴ് ചിത്രമാവും. നിലവിൽ ചിത്രീകരണം നടക്കുന്ന മരയ്ക്കാർ- അറബിക്കടലിന്റെ സിംഹത്തിലൂടെ മലയാളത്തിൽ അരങ്ങേറ്റം കുറിക്കുകയാണ് പ്രിയദർശൻ-ലിസ്സി ദമ്പതികളുടെ പുത്രിയായ കല്യാണി.
മറ്റൊരു നായികയായി കൃതി ഖർബന്ദ എത്തും. ജി.വി. പ്രകാശിന്റെ ബ്രൂസ് ലിയിലൂടെ തമിഴിൽ അരങ്ങേറിയ ആളാണ് കൃതി. ദുൽഖറിന്റെ കാമുകിയുടെ വേഷം കൃതിക്കെന്നാണ് റിപ്പോർട്ടുകൾ സൂചിപ്പിക്കുന്നത്. ദുൽഖറിന്റെ ഹിന്ദി ചിത്രം കർവാനിൽ കൃതിയും വേഷമിട്ടിരുന്നു. മൂന്നു നായികമാരുള്ള ചിത്രത്തിൽ മൂന്നാമത്തെയാളെ ഇത് വരെയും പ്രഖ്യാപിച്ചിട്ടില്ല. സംവിധാനം ആർ. കാർത്തിക്.
യാത്രയാകും പ്രധാന പ്രമേയം. പ്രണയത്തിനും ഇമോഷനും പ്രാധാന്യം കൊടുക്കുന്ന ചിത്രമാണ്. ചെന്നൈയിൽ തുടങ്ങി കൊൽക്കത്ത വരെ നീളുന്ന യാത്രയാണ് പ്രമേയം. ഈ മാസം തന്നെ ചിത്രീകരണം ആരംഭിക്കും. തെരി, കത്തി, രാജ റാണി എന്നിവയുടെ ക്യാമറ കൈകാര്യം ചെയ്ത ജോർജ് സി. വില്യംസാണ് ഛായാഗ്രഹണം. ഒരു എമണ്ടൻ പ്രേമകഥയാണ് ദുൽഖറിന്റെ നിലവിൽ ചിത്രീകരണം നടക്കുന്ന മലയാള ചിത്രം.,
advertisement
സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
First Published :
December 05, 2018 2:17 PM IST
