Jawan | ഷാരൂഖിന്റെ കൂടെ നൃത്തം ചെയ്ത് നയൻ‌താര; ട്രെൻഡിങ് ചാർട്ടിൽ ഇടം നേടി ജവാനിലെ 'രാമയ്യ വസ്തവയ്യ'

തന്റെ ആരാധകരൊത്തുള്ള #askSRK എന്ന ട്വിറ്റർ ചർച്ചയിൽ നേരത്തെ ഷാരൂഖ് ഈ പാട്ടിന്റെ ടീസർ പങ്കുവെച്ചിരുന്നു.

ഒരു ഗംഭീര പാർട്ടി നമ്പർ ആണ് ‘നോട്ട് രാമയ്യ വസ്തവയ്യ’ (Jawan: Not Ramaiya Vastavaiya). അനിരുദ്ധിന്റെ ഈ ഡാൻസ് നമ്പറിൽ ഷാരൂഖിന്റെ മാന്ത്രിക ചാരുതയും ഊർജ്ജവും ആകർഷണീയം തന്നെ. അതിനുദാഹരണമാണ് ഇതിനോടകം യൂട്യൂബിൽ ട്രെൻഡ്സെറ്റർ ഗാനമായി ഇത് മാറിയത്. മൂന്ന് വ്യത്യസ്ത ഭാഷകളിൽ ‘നോട്ട് രാമയ്യ വസ്തവയ്യ’ പുറത്തിറങ്ങിയിട്ടുണ്ട്.

നർത്തകി വൈഭവി മർച്ചെന്റ് ആണ് ഗാനത്തിന് നൃത്ത സംവിധാനം ഒരുക്കിയിരിക്കുന്നത്. റെഡ് ചില്ലിസിന്റെ ബാനറിൽ ഗൗരി ഖാനും ഗൌരവ് വർമയും ചേർന്ന് നിർമിക്കുന്ന ആറ്റ്ലീ ചിത്രം സെപ്റ്റംബർ 7ന് മൂന്ന് ഭാഷകളിലായി വേൾഡ് വൈഡ് റിലീസ് ചെയ്യും. ഗോകുലം മൂവീസാണ് ചിത്രം കേരളത്തിൽ വിതരണത്തിന് എത്തിക്കുന്നത്. കേരള പ്രൊമോഷൻ – പപ്പറ്റ് മീഡിയ.