Prabhas| ആദിപുരുഷിന് പ്രഭാസിന്റ പ്രതിഫലം 120 കോടി; പ്രതിഫലം കുത്തനെ ഉയർത്തി താരം

Published by:Naseeba TC
news18-malayalam

Last Updated:Jun 22, 2022 6:04 PM IST

നേരത്തേ 90-100 കോടിയായിരുന്നു പ്രഭാസ് പ്രതിഫലമായി ആവശ്യപ്പെട്ടിരുന്നത്

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ബാഹുബലിക്കു (bahubali)ശേഷം വൻ വിജയങ്ങളൊന്നും ക്രെഡിറ്റിൽ ഇല്ലെങ്കിൽ ഇന്ത്യൻ സിനിമയിൽ ഏറ്റവും ഏറ്റവും താരമൂല്യമുള്ള നട‌ൻ പ്രഭാസ് (Prabhas)തന്നെയാണ്. വമ്പൻ ബജറ്റിൽ ഒരുങ്ങുന്ന ഒരുപിടി ചിത്രങ്ങളാണ് താരത്തിന്റേതായി പുറത്തിറങ്ങാനുള്ളത്.

ഇതിൽ ഏറെ പ്രതീക്ഷയുള്ള ചിത്രമാണ് ആദിപുരുഷ് (Adipurush). സെയ്ഫ് അലി ഖാൻ, കൃതി സനോൻ എന്നിവരാണ് ചിത്രത്തിൽ പ്രധാന വേഷത്തിൽ എത്തുന്നത്. ഏറ്റവും പുതിയ റിപ്പോർട്ട് അനുസരിച്ച് കരിയറിലെ ഏറ്റവും വലിയ തുകയാണത്രേ പ്രഭാസ് ആദിപുരുഷിന്റെ പ്രതിഫലമായി ആവശ്യപ്പെട്ടിരിക്കുന്നത്.

Also Read-രശ്മികയുടെ ശ്രീവല്ലി മരിക്കുമോ? പുഷ്പ രണ്ടാം ഭാഗത്തെ കുറിച്ച് നിർമാതാവ് പറയുന്നു

ബോളിവുഡ് ലൈഫാണ് ഇതുസംബന്ധിച്ച് വാർത്ത നൽകിയിരിക്കുന്നത്. നേരത്തേ 90-100 കോടിയായിരുന്നു താരം പ്രതിഫലമായി ആവശ്യപ്പെട്ടിരുന്നത്. എന്നാൽ പുതിയ വാർത്ത അനുസരിച്ച് പ്രഭാസ് പ്രതിഫലം കുത്തനെ ഉയർത്തിയിരിക്കുന്നത്.

View this post on Instagram

A post shared by Prabhas (@actorprabhas)

റിപ്പോർട്ടുകൾ ശരിയാണെങ്കിൽ 120 കോടിയാണ് പ്രഭാസ് ആദിപുരുഷിന്റെ പ്രതിഫലമായി ആവശ്യപ്പെട്ടിരിക്കുന്നത്. അതേസമയം, വാർത്തയോട് പ്രഭാസ് ഇതുവരെ പ്രതികരിച്ചിട്ടില്ല. ഓം റൗട്ട് ആണ് ആദിപുരുഷ് സംവിധാനം ചെയ്യുന്നത്.

രാമയണ കഥയെ ആസ്പദമാക്കി ഒരുക്കുന്ന ബ്രഹ്മാണ്ഡ ചിത്രമാണ് ആദിപുരുഷ്. ചിത്രത്തിൽ രാമനായാണ് പ്രഭാസ് എത്തുന്നത്. രാവണന്റെ വേഷത്തിൽ സെയ്ഫ് അലി ഖാനും എത്തുമ്പോൾ സീതയായി വേഷമിടുന്നത് കൃതി സനോൻ ആണ്.