The Priest | ചോരത്തുള്ളികൾ പോലും വി.എഫ്.എക്സ് സൃഷ്‌ടി; 'ദി പ്രീസ്റ്റിലെ' വിഷ്വൽ എഫെക്ക്ട്സ് വീഡിയോ പുറത്ത്

മമ്മൂട്ടിയുടെ ആരാധകര്‍ ഏറെ പ്രതീക്ഷയോടെ കാത്തിരുന്ന ചിത്രമാണ് 'ദി പ്രീസ്റ്റ്'. മെഗാസ്റ്റാർ മമ്മൂട്ടിക്കൊപ്പം മഞ്ജു വാര്യർ ആദ്യമായി അഭിനയിക്കുന്ന ചിത്രം കൂടിയാണിത്. പ്രതീക്ഷകള്‍ക്ക് കൂടുതല്‍ ശക്തി പകര്‍ന്നു കൊണ്ട് 'ദി പ്രീസ്റ്റിന്റെ' പോസ്റ്ററുകളും ടീസറും ആകാംക്ഷ കൂടി.

സ്റ്റൈലിഷായി താടി വളർത്തിയ മമ്മൂട്ടിയുടെ ലുക്കാണ് തുടക്കം മുതലേ സിനിമയുടെ ആകർഷണമായി നിലനിന്നത്. ഹോളിവുഡ് ലെവല്‍ ആണെന്നാണ് തുടക്കം മുതലേ ആരാധകരുടെ അഭിപ്രായം. നിഖില വിമലും, ബാലതാരമായി ബേബി മോണിക്കയും, വെങ്കിടേഷും പ്രധാന കഥാപാത്രങ്ങളായ സിനിമയാണത്. കൈതി, രാക്ഷസന്‍ തുടങ്ങിയ സിനിമകളിലൂടെ തിളങ്ങിയ ബാലതാരമാണ് ബേബി മോണിക്ക.

ഹൊറർ മിസ്റ്റീരിയസ്-ത്രില്ലർ ചിത്രമാണ് 'ദി പ്രീസ്റ്റ്'. ജിസ് ജോയിയുടെ അസിസ്റ്റന്‍റായി പ്രവര്‍ത്തിച്ചിട്ടുള്ള ജോഫിന്‍ ടി. ചാക്കോ ആദ്യമായി സംവിധാനം ചെയ്യുന്ന സിനിമയാണിത്. ആന്‍റോ ജോസഫും ബി. ഉണ്ണികൃഷ്ണനും ചേര്‍ന്നാണ് സിനിമയുടെ നിര്‍മ്മാണം. ചിത്രത്തിന്‍റെ കഥ ജോഫിൻ തന്നെയാണ് രചിച്ചത്. തിരക്കഥ ദീപു പ്രദീപും ശ്യാം മേനോനും ചേര്‍ന്നാണ് ഒരുക്കുന്നത്. അഖില്‍ ജോര്‍ജാണ് ചിത്രത്തിൻ്റെ ഛായാഗ്രഹണം നിര്‍വ്വഹിച്ചിട്ടുള്ളത്.

കോവിഡ് കാലത്തിന് മുന്നേ 2020 ജനുവരിയിലായായിരുന്നു സിനിമയുടെ ഷൂട്ട്. പിന്നീട് കോവിഡ് പൊട്ടിപ്പുറപ്പെട്ടപ്പോൾ ഷൂട്ടിംഗ് നിര്‍ത്തിവെച്ചു. ശേഷം നിരവധി പ്രതിസന്ധികൾ തരണം ചെയ്താണ് സിനിമയുടെ ഷൂട്ടിങ് പൂർത്തിയാക്കിയത്. ഷൂട്ടിംഗ് പൂർത്തിയായ ആഹ്ലാദം പങ്കുവച്ചുള്ള മഞ്ജു വാര്യരുടെ പോസ്റ്റ് വെെറലായി മാറിയിരുന്നു.