'Zindagi Na Milegi Dobara'; ബോളിവുഡ് യുക്തിയിൽ കേവലം പ്രണയകഥ മാത്രം: അഭയ് ഡിയോൾ

എന്നാൽ ചിത്രം പുറത്തിറങ്ങിയതിന് ശേഷം എല്ലാ അവാർഡ് ചടങ്ങുകളിലും തന്നേയും ഫർഹാൻ അക്തറിനേയും തഴഞ്ഞതിനെ കുറിച്ചും അഭയ് വ്യക്തമാക്കുന്നു. 2011 ൽ സിനിമ പുറത്തിറങ്ങിയതിന് ശേഷം അവാർഡ‍് ഷോകളിൽ സഹതാരങ്ങളുടെ കാറ്റഗറിയിലാണ് തന്നേയും ഫർഹാൻ അക്തറിനേയും ഉൾപ്പെടുത്തിയത്. ഹൃത്വിക് റോഷനും കത്രീന കൈഫും പ്രധാന നടീനടന്മാർക്കുള്ള അവാർഡുകൾക്കും നോമിനേറ്റ് ചെയ്യപ്പെട്ടു. ബോളിവുഡിന്റെ യുക്തിയിൽ നായികയുമായി പ്രണയത്തിലാകുന്ന നായകനും നായകന്റെ എല്ലാ തീരുമാനങ്ങൾക്കും പിന്തുണയുമായി എത്തുന്ന സുഹൃത്തുക്കളുമാണ് ചിത്രത്തിലുള്ളതെന്നുമാണ് അഭയ് ഡിയോൾ പരിഹസിക്കുന്നത്. ഇതിൽ പ്രതിഷേധിച്ചാണ് താൻ അവാർഡ് ചടങ്ങുകൾ ബഹിഷ്കരിച്ചതെന്നും എന്നാൽ ഫർഹാൻ അക്തറിന് ഇതിൽ പരാതിയുണ്ടായിരുന്നില്ലെന്നും കുറിപ്പിൽ അഭയ് പറയുന്നു.