'വൈറസിനെ അതിജീവിക്കാം; വിശപ്പിനെ പറ്റില്ല': കുടുംബം പുലർത്താൻ കോവിഡ് രോഗികളുടെ സംസ്കാരചടങ്ങ് ഏറ്റെടുത്ത് യുവാവ്

അപകടം തന്നെയാണെന്ന് അറിഞ്ഞുകൊണ്ടാണ് ജോലി സ്വീകരിച്ചതെന്നാണ് ചാന്ദ് പറയുന്നത്. രോഗവ്യാപനത്തിനുള്ള സാധ്യതയും കൂടുതലാണ്.. പക്ഷെ എനിക്ക് ജോലി അത്യാവശ്യമായിരുന്നു.. കുടുംബം നോക്കാന്‍.. വീട്ടിൽ പലപ്പോഴും ഒരുനേരത്തെ ഭക്ഷണം മാത്രമാണുണ്ടാകാറ്.. വൈറസിനെ അതിജീവിക്കാൻ സാധ്യതയുണ്ട്.. എന്നാൽ വിശപ്പ് അതിജീവിക്കാനാകില്ല.. ഞങ്ങൾക്ക് ഭക്ഷണം വേണം.. പിന്നെ അമ്മയുടെ മരുന്നു ചിലവുകളും..' ചാന്ദ് പറയുന്നു. 17000 രൂപയാണ് ചാന്ദിന്‍റെ ശമ്പളം. ഇതുകൊണ്ട് ഒരുവിധം കഴിഞ്ഞു പോകാമെന്നാണ് വിശ്വാസമെന്നും യുവാവ് പറയുന്നു.