'ഞാൻ നിർമിക്കുന്ന അടുത്ത ചിത്രത്തിൽ നിങ്ങളുണ്ടാകും'; ബിനീഷ് ബാസ്റ്റിന് പിന്തുണയുമായി നിർമാതാവ് സന്ദിപ് സേനൻ

ബിനീഷിനെ വേദിയിലേക്കു കയറരുതെന്നു പറഞ്ഞ ആ ഗവൺമെന്‍റ് കോളേജിന്‍റെ വിദ്യാസമ്പന്നനായ പ്രിൻസിപ്പൽ, നിങ്ങൾ ഒന്നു കൂടി പോയി ജീവിതം പഠിച്ചിട്ടു വരൂവെന്നും മനുഷ്യത്വമെന്തെന്നു അവിടെപ്പഠിക്കുന്ന ബിനീഷിന് കയ്യടിച്ച കുട്ടികളിൽ നിന്നു പഠിച്ചിട്ടുവരുവെന്നും സന്ദിപ് പോസ്റ്റിൽ പറയുന്നു. മൂന്നു പേരേയും നേരിട്ടറിയില്ലെന്നും പക്ഷേ ഇവരിൽ മനുഷ്യനേതെന്നു തിരിച്ചറിയാമെന്നും വ്യക്തമാക്കിയാണ് സന്ദിപ് സേനന്‍റെ പോസ്റ്റ് അവസാനിക്കുന്നത്.