'ഇങ്ങനെ ഉള്ളവർ വീട്ടിലിരിക്കുന്നതാണ് നല്ലത്, ശ്രീനാഥ് ഭാസിയുടെ അസഭ്യവും മോശം പെരുമാറ്റവും ഇനി സഹിക്കേണ്ട കാര്യമില്ല'; നിർമാതാവ് ഷിബു സുശീലൻ

മലയാള സിനിമാ സംഘടനകള്‍ വിലക്കേര്‍പ്പെടുത്തിയ നടന്‍ ശ്രീനാഥ് ഭാസിയുമായി ഹോം സിനിമയില്‍ പ്രവര്‍ത്തിച്ചപ്പോള്‍ അനുഭവം തുറന്ന് പറഞ്ഞ് പ്രൊഡക്ക്ഷൻ എക്സിക്യൂട്ടിവ് യൂണിയൻ ജനറൽ സെക്രട്ടറിയും നിര്‍മ്മാതാവുമായ ഷിബു സുശീലൻ. ശ്രീനാഥ് ഭാസിയുടെ അസഭ്യവും മോശം പെരുമാറ്റവും ഇനി സഹിക്കേണ്ട കാര്യമില്ല. വാർക്ക പണിക്ക് പോകുന്നെങ്കിലും കൃത്യ സമയത്ത് പോകണം. പുതിയ ഡയറക്ടേഴ്സും, പ്രൊഡ്യൂസേഴ്സും ഇവരുടെ പുറകെ പോകുന്നതാണ് പ്രശ്നം. ലൊക്കേഷനിൽ വന്ന് മറ്റ് യൂണീറ്റ് അംഗങ്ങളെ തെറി പറയുന്നത് സഹിക്കേണ്ട ആവശ്യമില്ല. ഹോം സിനിമയിൽ ഈ പെരുമാറ്റം മൂലം നാല് ദിവസത്തോളം ഷൂട്ട് നീണ്ടുപോയി. ഇതുമൂലം ലക്ഷങ്ങളാണ് നഷ്ടമുണ്ടായതെന്നും ഷിബു സുശീലൻ ആരോപിച്ചു.