ഷാരൂഖ് ഖാന്‍റെ 'പത്താന്‍' ബംഗ്ലാദേശില്‍ റിലീസ് ചെയ്യാനാകില്ല ? ആരാധകര്‍ നിരാശയില്‍

എന്നാൽ, ഏറ്റവും പുതിയ വിവരങ്ങള്‍ പ്രകാരം പത്താന്‍ സിനിമയുടെ റിലീസ് ബംഗ്ലാദേശിൽ മുടങ്ങിയെന്നാണ് റിപ്പോർട്ട്. ലോകമെമ്പാടുള്ള തിയേറ്ററുകളില്‍ നിന്നായി ആദ്യം ദിനം 100 കോടി രൂപയുടെ ഉജ്വല കളക്ഷന്‍ നേടിയ പത്താന്  നിയമകുരുക്കളാണ് ബംഗ്ലാദേശില്‍ തിരിച്ചടിയായത്. സൗത്ത് ഏഷ്യൻ ഫ്രീ ട്രേഡ് ഏരിയ (SAFTA) ഉടമ്പടി പ്രകാരമുള്ള നിയമങ്ങൾ കാരണമാണ് ചിത്രത്തിന്റെ ലോക പ്രീമിയർ സമയത്ത് ബംഗ്ലാദേശിൽ പത്താന്‍ പ്രദർശിപ്പിക്കാൻ കഴിയാതെ പോയത്.

ബംഗ്ലാദേശ് വാര്‍ത്താ വിതരണ മന്ത്രാലയവും വാണിജ്യ മന്ത്രാലയവുമാണ് വിഷയത്തില്‍ അന്തിമ തീരുമാനമെടുക്കെണ്ടതെന്ന് വിതരണക്കാര്‍ വ്യക്തമാക്കി. കഴിഞ്ഞ ദിവസം സിനിമയുടെ റിലീസ് സംബന്ധിച്ച ചര്‍ച്ച ചെയ്യാന്‍ തിയേറ്റര്‍ ഉടമകളും വിതരണക്കാരും ഉദ്യോഗസ്ഥരുമായി ചര്‍ച്ച നടത്തിയിരുന്നു.

സിദ്ധാര്‍ത്ഥ് ആനന്ദ് സംവിധാനം ചെയ്ത ചിത്രത്തില്‍ ദീപിക പദുക്കോണും ജോണ്‍ എബ്രാഹമുമാണ് പ്രധാന വേഷത്തിലെത്തുന്നത്. ബോളിവുഡ് താരം സല്‍മാന്‍ ഖാനും അതിഥി വേഷത്തില്‍ ചിത്രത്തിലെത്തുന്നുണ്ട്. നിരവധി വിവാദങ്ങൾക്കും ബഹിഷ്കരണ ആഹ്വാനങ്ങൾക്കും ഡീഗ്രേഡിങ്ങിനും ഇടയിലാണ് പത്താന്‍ പുറത്തിറങ്ങിയത്.