ഗായകൻ കാർത്തിക്കിന്റെ ശബ്ദത്തിൽ ശ്രീനാഥ് ഭാസിയുടെ ആസാദിയിലെ 'ഏകാ ഏകാ നീ ഏകയായ്' ഗാനം

ഗായകൻ കാർത്തിക്കിന്റെ ശബ്ദത്തിൽ ശ്രീനാഥ് ഭാസി, ലാൽ, വാണി വിശ്വനാഥ്, രവീണ രവി തുടങ്ങിയവർ അഭിനയിക്കുന്ന ആസാദിയിലെ ഏകാ, ഏകാ, നീ ഏകയായ് എന്നു തുടങ്ങുന്ന ​ഗാനത്തിന്റെ ലിറിക്കൽ വീഡിയോ. മ്യൂസിക്ക് 247 ചാനൽ വഴി പുറത്തിറങ്ങി. നായികയായ ​ഗം​ഗയുടെ തടവറയിലെ ഒറ്റപ്പെടലും വിരഹവും കൃത്യമായി പ്രതിഫലിക്കുന്ന ഗാനം എഴുതിയത് ബി.കെ. ഹരിനാരായണൻ. വരുൺ ഉണ്ണിയാണ് സം​ഗീതം. നേരത്തെ ട്രെയ്‌ലറും, യാനങ്ങൾ തീരാതെ എന്ന ​ഗാനവും പുറത്തിറങ്ങിയിരുന്നു. ലിറ്റിൽ ക്രൂ പ്രൊഡക്ഷൻസിന്റെ ബാനറിൽ ഫൈസൽ രാജ നിർമ്മിച്ച് ജോ ജോർജ് സംവിധാനം ചെയ്യുന്ന ചിത്രം മെയ് 9ന് തിയെറ്ററുകളിൽ‌ എത്തും.