സംസ്ഥാന ചലച്ചിത്ര അവാര്ഡ്; പ്രകാശ് രാജ് ജൂറി ചെയർമാൻ
- Published by:Nandu Krishnan
- news18-malayalam
Last Updated:
128 സിനിമകളാണ് ജൂറിയുടെ പരിഗണനയ്ക്ക് എത്തിയത്
2024 ലെ സംസ്ഥാന ചലച്ചിത്ര അവാർഡ് നിർണ്ണയത്തിനുള്ള ജൂറി ചെയർമാനായി നടനും സംവിധായകനുമായ പ്രകാശ് രാജിനെ തെരഞ്ഞെടുത്തു.സംവിധായകരായ രഞ്ജന് പ്രമോദ്, ജിബു ജേക്കബ് എന്നിവര് പ്രാഥമിക വിധിനിര്ണയ സമിതിയിലെ രണ്ട് സബ് കമ്മിറ്റികളുടെ ചെയര്പേഴ്സണ്മാരായിരിക്കും. ഇരുവരും അന്തിമ വിധിനിര്ണയ സമിതിയിലെ അംഗങ്ങളുമായിരിക്കും.പ്രകാശ് രാജ്, രഞ്ജന് പ്രമോദ്, ജിബു ജേക്കബ് എന്നിവര്ക്കു പുറമെ അന്തിമ വിധിനിര്ണയ സമിതിയില് ഡബ്ബിംഗ് ആര്ട്ടിസ്റ്റ് ഭാഗ്യലക്ഷ്മി, പിന്നണി ഗായിക ഗായത്രി അശോകന്, സൗണ്ട് ഡിസൈനറും സംവിധായകനുമായ നിതിന് ലൂക്കോസ്, തിരക്കഥാകൃത്തും എഴുത്തുകാരനുമായ സന്തോഷ് ഏച്ചിക്കാനം എന്നിവര് അംഗങ്ങളായിരിക്കും.
ചലച്ചിത്രനിരൂപകന് എം.സി രാജനാരായണന്, സംവിധായകന് വി.സി അഭിലാഷ്, ചലച്ചിത്രഗാനരചയിതാവും കവിയുമായ വിജയരാജമല്ലിക,ഛായാഗ്രാഹകന് സുബാല് കെ.ആര്, ഫിലിം എഡിറ്റര് രാജേഷ് കെ, ചലച്ചിത്രഗാനരചയിതാവും എഴുത്തുകാരിയുമായ ഡോ.ഷംഷാദ് ഹുസൈന് എന്നിവരാണ് പ്രാഥമിക വിധിനിര്ണയസമിതിയിലെ മറ്റ് അംഗങ്ങള്. ചലച്ചിത്ര അക്കാദമി സെക്രട്ടറി സി.അജോയ് പ്രാഥമിക, അന്തിമ വിധിനിര്ണയ സമിതികളില് മെമ്പര് സെക്രട്ടറിയായിരിക്കും.
ചലച്ചിത്രനിരൂപകന് മധു ഇറവങ്കരയാണ് രചനാവിഭാഗം ജൂറി ചെയര്പേഴ്സണ്. ചലച്ചിത്രനിരൂപകൻ എ.ചന്ദ്രശേഖര്, ചലച്ചിത്രനിരൂപകയും എഴുത്തുകാരിയും ഗവേഷകയുമായ ഡോ.വിനീത വിജയന്, അക്കാദമി സെക്രട്ടറി സി.അജോയ് (ജൂറി മെമ്പര് സെക്രട്ടറി) എന്നിവരാണ് മറ്റ് അംഗങ്ങള്.128 സിനിമകളാണ് ജൂറിയുടെ പരിഗണനയ്ക്ക് എത്തിയത്
advertisement
. ഒക്ടോബര് ആറിന് രാവിലെ ജൂറി സ്ക്രീനിംഗ് ആരംഭിക്കും.
Click here to add News18 as your preferred news source on Google. സിനിമാ, ടെലിവിഷൻ, OTT ലോകത്തു നിന്നും ഏറ്റവും പുതിയ എന്റർടൈൻമെന്റ് വാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram,Kerala
First Published :
Oct 05, 2025 10:03 PM IST
