'കങ്കുവ എത്താൻ ഇനി 2 നാൾ '; കങ്കുവ കേരള അഡ്വാൻസ് ടിക്കറ്റ് ബുക്കിംഗ് ആരംഭിച്ചു

സൂര്യയുടെ ബ്രഹ്മാണ്ഡ ചിത്രം ആഗോള റിലീസായി തീയേറ്ററുകളിൽ എത്താൻ ഇനി 2 നാൾ മാത്രം ബാക്കി. സൂര്യ - സിരുത്തൈ ശിവ കൂട്ടുകെട്ടിൽ ഒരുങ്ങുന്ന ചിത്രമായ കങ്കുവയെ കുറിച്ചുള്ള ആരാധകരുടെ പ്രതീക്ഷകൾ ഏറെയാണ് . സിനിമയുടെ ഓരോ അപ്ഡേറ്റുകൾക്കും വലിയ സ്വീകാര്യതയാണ് ആരാധകർക്കിടയിൽ ലഭിക്കുന്നത്. ഇപ്പോൾ ചിത്രത്തിന്റെ കേരളാ അഡ്വാൻസ് ബുക്കിംഗ് ആരംഭിച്ചിരിക്കുകയാണ്. കേരളത്തിലെ ചിത്രത്തിന്റെ വിതരണക്കാരായ ഗോകുലം മൂവീസാണ് ഇക്കാര്യം അറിയിച്ചിരിക്കുന്നത്. പുലർച്ചെ നാലു മണിയുടെ ഫാൻ ഷോയോടെയാണ് കങ്കുവ പ്രദർശനം ആരംഭിക്കുന്നത്. കേരളത്തിൽ ചിത്രത്തിന് മികച്ച കളക്ഷൻ ലഭിക്കുമെന്നാണ് പ്രതീക്ഷിക്കുന്നത്.