HOME » NEWS » Film » TAMIL ACTOR VENKAT SUBHA PASSES AWAY DUE TO COVID 19

Venkat Subha Passes Away| തമിഴ് നടൻ വെങ്കട് ശുഭ കോവിഡ് ബാധിച്ച് മരിച്ചു

വെങ്കട് ശുഭ പത്ത് ദിവസമായി കോവിഡ് ചികിത്സയിലായിരുന്നു.

News18 Malayalam | news18-malayalam
Updated: May 29, 2021, 4:37 PM IST
Venkat Subha Passes Away| തമിഴ് നടൻ വെങ്കട് ശുഭ കോവിഡ് ബാധിച്ച് മരിച്ചു
വെങ്കട് ശുഭ
  • Share this:
ചെന്നൈ: കോവിഡ് രണ്ടാം തരംഗം തമിഴ് സിനിമാ രംഗത്തിന് നൽകിയത് കനത്ത ആഘാതമാണ്. കഴിഞ്ഞ കുറച്ചുമാസങ്ങളായി നിരവധി കലാകാരന്മാരും അവരുടെ ബന്ധുക്കളുമാണ് കോവിഡ് ബാധിച്ച് മരിച്ചത്. ഏറ്റവും ഒടുവിൽ നടനും നിർമാതാവുമായ വെങ്കട്ട് ശുഭയാണ് ശനിയാഴ്ച പുലർച്ചെ കോവിഡ് ബാധിച്ച് ചെന്നൈയിലെ സ്വകാര്യ ആശുപത്രിയിൽ മരിച്ചത്.

Also Read- #Metoo വിവാദം; ഒഎൻവി പുരസ്കാരം നിരസിക്കുന്നുവെന്ന് തമിഴ് കവി വൈരമുത്തു

വെങ്കട് ശുഭ പത്ത് ദിവസമായി കോവിഡ് ചികിത്സയിലായിരുന്നു. നിര്‍മാതാവും അടുത്ത സുഹൃത്തുമായ ടി ശിവയാണ് മരണവാര്‍ത്ത അറിയിച്ചത്. വെങ്കട് ശുഭയുടെ ആരോഗ്യനില മോശമായതിനെത്തുടര്‍ന്ന് കഴിഞ്ഞ ദിവസം തീവ്രപരിചരണ വിഭാഗത്തിലേക്ക് മാറ്റിയിരുന്നു. മൊഴി, അഴകിയ തീയേ, കണ്ട നാള്‍ മുതല്‍ തുടങ്ങിയ സിനിമകളില്‍ അദ്ദേഹം അഭിനയിച്ചിട്ടുണ്ട്. ഇതിനുപുറമെ തമിഴ് സീരിയലുകളിലും വേഷമിട്ടു. ടൂറിങ് ടാക്കീസ് എന്ന യൂട്യൂബ് ചാനലില്‍ സിനിമാ നിരൂപണ പരിപാടി അവതരിപ്പിച്ചിരുന്നു. ഹർഭജൻ സിംഗും ലോസ്ലിയായും അഭിനയിക്കുന്ന ഫ്രണ്ട് ഷിപ്പ് എന്ന സിനിമയിലും അദ്ദേഹം അഭിനയിച്ചിരുന്നു.

Also Read- 'അച്ഛൻ, അമ്മ, സഹോദരങ്ങൾ എല്ലാവർക്കുമുണ്ട്; വിമര്‍ശിക്കുമ്പോള്‍ വ്യക്തിബന്ധങ്ങളെ വലിച്ചിഴയ്ക്കരുത്': സുരേഷ് ഗോപി



Also Read- ചലച്ചിത്ര മേഖലയിലെ അടിസ്ഥാന തൊഴിലാളികൾക്കായി ഒരു സിനിമയെടുക്കണമെന്ന് ആവശ്യം

തുടരെ തുടരെയുള്ള താരങ്ങളുടെ മരണത്തിന്റെ ഞെട്ടലിലാണ് തമിഴ് സിനിമാ ലോകം. പത്ത് ദിവസം മുൻപാണ് നടൻ നിതീഷ് വീര കോവിഡ് ബാധിച്ച് മരിച്ചത്.  കോഡിന്റെ രണ്ടാം തരംഗത്തിൽ ഹാസ്യതാരം പാണ്ഡു, ഗായകൻ കോമാങ്കൻ, സംവിധായകനും ഛായാഗ്രാഹകനുമായ കെ വി ആനന്ദ്, നടൻ മാരൻ തുടങ്ങി നിരവധി സിനിമാപ്രവർത്തകരെയാണ് തമിഴകത്തിന് നഷ്ടമായിരിക്കുന്നത്. ദേശീയ അവാർഡ് ജേതാവ് കൂടിയായ ജനനാഥനെയും ഈ മാർച്ചിൽ തമിഴകത്തിനു നഷ്ടമായിരുന്നു, ഒരു സ്വകാര്യ ആശുപത്രിയിൽ ചികിത്സയിൽ ഇരിക്കെയായിരുന്നു ജനനാഥന്റെ അന്ത്യം.

English Summary: Tamil actor and producer Venkat Subha passed away today early morning in Chennai. He was infected with the coronavirus and was treated at a private hospital. A couple of weeks earlier, producer T Siva said that Subha is getting intensive treatment and asked everyone to pray for his good health. But, the popular Tamil actor, producer and writer Venkat Subha breathed his last at 12.48 am on May 29. Reports are that the Chennai Corporation officials will cremate his mortal remains in the presence of his family members.
Published by: Rajesh V
First published: May 29, 2021, 4:37 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories