തിരുപ്പതി ലഡു വിവാദം: നടൻ കാർത്തിയുടെ പരാമർശത്തിൽ അതൃപ്തി പ്രകടിപ്പിച്ച് പവൻ കല്യാൺ, ഒടുവിൽ മാപ്പ്

ആന്ധ്രപ്രദേശിലെ തിരുപ്പതി തിരുമല ശ്രീ വെങ്കിടേശ്വരക്ഷേത്രത്തിലെ പ്രസാദമായ ലഡുവിൽ മൃഗക്കൊഴുപ്പിന്റെ സാന്നിധ്യം കണ്ടെത്തിയത് വലിയ വിവാദമായി തുടരുകയാണ്. ഇതിനിടെ നടൻ കാർത്തിയുടെ ഒരു പരാമർശം നടനെ കുഴപ്പത്തിലാക്കിയിരിക്കുകയാണ്. ലഡുവിനെ കുറിച്ച് പരസ്യമായി കാർത്തി നടത്തിയ ഒരു പരാമർശമാണ് താരത്തെ ഇപ്പോൾ വെട്ടിലാക്കിയിരിക്കുന്നത്. ഇതിനെതിരെ ആന്ധ്രപ്രദേശ് ഉപമുഖ്യമന്ത്രി പവൻ കല്യാണും രംഗത്തെത്തിയതോടെ തന്റെ നാക്കുപിഴയ്ക്ക് നടൻ മാപ്പ് പറഞ്ഞിരിക്കുകയാണ്.