കാൻസ് ഫെസ്റ്റിവലിൽ പ്രദർശിപ്പിച്ച മലയാള ചിത്രം 'പൊയ്യാമൊഴി'യുടെ ട്രെയ്‌ലർ

ജാഫർ ഇടുക്കി, നവാഗതനായ നഥാനിയേൽ, മീനാക്ഷി എന്നിവരെ പ്രധാന കഥാപാത്രങ്ങളാക്കി സുധി അന്ന സംവിധാനം ചെയ്യുന്ന 'പൊയ്യാമൊഴി' എന്ന ചിത്രത്തിന്റെ ട്രെയ്‌ലർ പുറത്തിറങ്ങി. ടിനി ഹാൻഡ്സ്  പ്രൊഡക്ഷൻസിന്റെ ബാനറിൽ ജോസുകുട്ടി മഠത്തിൽ നിർമിക്കുന്ന 'പൊയ്യാമൊഴി'യുടെ ആദ്യ പ്രദർശനം ഫ്രാൻസിൽ മെയ് 19-ന് കാൻസ് ഫെസ്റ്റിവലിൽ നടന്നിരുന്നു. ഒത്തിരി പ്രശംസകൾ ലഭിച്ച ഈ ചിത്രം ഉടൻ തീയേറ്ററുകളിൽ എത്തും. വളരെ നിഗൂഢതകൾ നിറഞ്ഞതും നമ്മുടെ വർത്തമാന കാലഘട്ടത്തിന്റെ അവസ്ഥകൾ പറയാതെ പറയുന്നതുമാണ് ചിത്രമെന്ന് ട്രെയ്‌ലറിലൂടെ വ്യക്തമാണ്.