Viral Video | ട്രെഡ് മില്ലിൽ കമൽഹാസനായി 'നിറഞ്ഞാടി'; വൈറലായി നടൻ അശ്വിൻകുമാറിന്റെ നൃത്തം

കമല്‍ ഹാസന്‍ നായകനായെത്തിയ 1989ലെ സൂപ്പർഹിറ്റ് ചിത്രം അപൂർവ സഹോദരങ്ങളിലെ 'അണ്ണാത്തെ ആടുരാര്‍' എന്ന ഗാനത്തിലെ നൃത്തരംഗമാണ് അശ്വിന്‍ ഇപ്പോൾ പുനരാവിഷ്കരിച്ചിരിക്കുന്നത്. പാട്ടിനൊപ്പം അദ്ദേഹം ചുവടുകള്‍ വെക്കുന്നത് പ്രവര്‍ത്തിച്ചുകൊണ്ടിരിക്കുന്ന ട്രെഡ് മില്ലിന് മുകളിലാണ് എന്നതാണ് പ്രത്യേകത. വീഡിയോ പോസ്റ്റ് ചെയ്യണമോ എന്ന് കുറേയധികം ആലോചിച്ചെന്നും പക്ഷേ മറ്റു കമല്‍ ഹാസന്‍ ആരാധകരുമായി ഇത് പങ്കുവെക്കണമെന്ന ആഗ്രഹത്തെ അടക്കാനായില്ലെന്നും അശ്വിന്‍ വീഡിയോയ്ക്കൊപ്പം ട്വിറ്ററില്‍ കുറിച്ചു.

മികട്ട പ്രതികരണമാണ് ട്വിറ്ററില്‍ വീഡിയോയ്ക്ക് ലഭിച്ചത്. 15,000ല്‍ ഏറെ ലൈക്കുകളും 3400ത്തിലേറെഷെയറുകളും ഇതിനോടകം വീഡിയോക്ക് ലഭിച്ചു കഴിഞ്ഞു. സമാനമായ വീഡിയോകള്‍ പിന്നാലെയെത്തുമെന്നാണ് ആരാധകർക്ക് അശ്വിൻ നൽകിയിരിക്കുന്ന ഉറപ്പ്.