Happy Birthday Mammootty | മമ്മൂട്ടിയുടെ തൊട്ടരികിൽ പരുങ്ങലോടെ നിന്ന ഈ പയ്യൻ ആരാണെന്ന് പറയാമോ?

മമ്മൂട്ടിയുടെ പിന്നിൽ പരുങ്ങിനിൽക്കുന്ന ഈ പയ്യനെ അറിയാമോ എന്നു ചോദിച്ചുകൊണ്ടാണ് ശ്രീനിഷിന്‍റെ ഇൻസ്റ്റാഗ്രാം കുറിപ്പ് തുടങ്ങുന്നത്. എന്നാൽ ഈ ചിത്രത്തിനൊപ്പം ശ്രീനിഷ്-പേളി മാണി വിവാഹത്തിന് ആശംസകളുമായി മമ്മൂട്ടി എത്തിയപ്പോൾ ഉള്ള ചിത്രവും ചേർത്തിട്ടുണ്ട്. അതുകൊണ്ടുതന്നെ ആ പയ്യനെ മനസിലാക്കാൻ കാണുന്നവർക്ക് അധികം സമയം വേണ്ടിവരില്ല.

ശ്രീനിഷ് അരവിന്ദ് തന്നെയാണ് മമ്മൂട്ടിക്കൊപ്പം നിൽക്കുന്ന ആ പയ്യൻ. അത് തുടർന്നുള്ള ശ്രീനിഷിന്‍റെ വാചകങ്ങളിലൂടെ കൂടുതൽ വ്യക്തമാകും.

"മമ്മൂട്ടിയുടെ പിന്നിൽ നിൽക്കുന്ന ആ പയ്യനെ കണ്ടോ? അവനൊരിക്കലും കരുതിയിരുന്നില്ല, പ്രിയപ്പെട്ട ഹീറോ തന്‍റെ വിവാഹത്തിന് ആശംസകളുമായി എത്തുമെന്ന്. വർഷങ്ങൾ കഴിഞ്ഞുപോയി. ഒന്നും മാറിയിട്ടില്ല. ഈ മനുഷ്യനോട് തോന്നുന്ന സ്നേഹവും ആദരവും കൂടിയതല്ലാതെ. ജന്മദിനാശാംസകൾ മമ്മൂക്ക"- ശ്രീനിഷ് അരവിന്ദ് കുറിച്ചു.