യുഎഇയിലെ 28 പൊതുവിദ്യാലയങ്ങൾ സ്വകാര്യമേഖലയ്ക്ക് കൈമാറാൻ ഒരുങ്ങുന്നു

യുഎഇ വിദ്യാഭ്യാസ രംഗത്ത് സ്വകാര്യ മേഖലയെ പ്രോത്സാഹിപ്പിക്കാൻ ഒരുങ്ങുന്നു. യുഎഇയിലെ ഏകദേശം 28 പൊതുവിദ്യാലയങ്ങൾ മൂന്ന് വർഷത്തേക്ക് സ്വകാര്യ മേഖലയിലെ “പരിചയസമ്പന്നരായ പ്രൊഫഷണലുകൾക്ക്” നടത്തിപ്പിനായി കൈമാറുമെന്ന് വൈസ് പ്രസിഡന്റ് പ്രഖ്യാപിച്ചു. സ്വകാര്യ സ്‌കൂൾ നടത്തുന്നവരുടെ അനുഭവങ്ങൾ പൊതുവിദ്യാലയങ്ങൾക്ക് കൈമാറുകയും രക്ഷിതാക്കൾക്ക് സ്കൂളുകൾ തിരഞ്ഞെടുക്കാൻ കൂടുതൽ അവസരങ്ങൾ സൃഷ്ടിക്കുകയുമാണ് ലക്ഷ്യമെന്ന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ട്വീറ്ററിലൂടെ അറിയിച്ചു.