10 ലക്ഷം ദിർഹം അടങ്ങിയ ബ്രീഫ്കേസ് തട്ടിക്കൊണ്ടുപോയി; ദുബായിൽ പരാതിയുമായി വ്യവസായി

ജൂൺ 17നാണ് സംഭവമുണ്ടായത്. 38 കാരനായ ഇറാനിയൻ ബിസിനസുകാരൻ ഉച്ചയ്ക്ക് 2.30 ഓടെ ഡെയ്‌റയിലെ ഒരു ഹോട്ടലിനടുത്തു നിൽക്കുകയായിരുന്നു. "ഒരു വാണിജ്യ ഇടപാട് നടത്താനായി ഞാൻ ആദ്യത്തെ പ്രതിയെ അദ്ദേഹത്തിന്റെ ഓഫീസിൽ കാണാൻ പോയി. ഞാൻ ഒരു ബ്രീഫ്കെയ്‌സിൽ സൂക്ഷിച്ചിരുന്ന പത്തുലക്ഷം ദിർഹം ഞാൻ കൊണ്ടുവന്നു. അവിടെ കാറിൽ കാത്തുനിൽക്കുമ്പോൾ, സെക്യൂരിറ്റി ഗാർഡിന്‍റെ വേഷത്തിലെത്തിയ ഒരു ആഫ്രിക്കൻ സ്വദേശി ഞാൻ കാണാനെത്തിയയാളുടെ ഓഫീസിലേക്കു കൊണ്ടുപോകാൻ ശ്രമിച്ചു. ​​പക്ഷേ അയാൾ പെട്ടെന്ന് എന്റെ ബ്രീഫ്കേസ് തട്ടിയെടുത്തു ഓടി രക്ഷപ്പെട്ടു" കവർച്ചയ്ക്ക് ഇരയായ വ്യവസായി പറഞ്ഞു.

"ആദ്യത്തെ പ്രതി എന്റെ സുഹൃത്തിനോട് അയാളുടെ സ്ഥലത്തേക്ക് വരാൻ ആവശ്യപ്പെട്ടു. ഇങ്ങനെ വിളിക്കുന്നത് ഞാൻ ഒപ്പമുള്ളപ്പോൾ ആയിരുന്നു. സംഭവത്തിൽ ഉൾപ്പെട്ട രണ്ടാമത്തെ പ്രതി (യുഎഇയിൽനിന്ന് കടന്നുകളഞ്ഞയാൾ) എന്റെ സുഹൃത്തിനോട് പണത്തെക്കുറിച്ച് ചോദിച്ചു, അത് ബ്രീഫ്കേസിലാണെന്ന് മനസിലാക്കിയ അയാൾ അത് തട്ടിയെടുത്തു. ഞങ്ങൾ അക്കാര്യം പോലീസിൽ അറിയിച്ചു" തട്ടിപ്പിന് ഇരയായ ഇറാനിയൻ വ്യവസായിയുടെ സുഹൃത്ത് കോടതിയിൽ മൊഴി നൽകി.