ജോയ് അറയ്ക്കലിന്റെ കുടുംബത്തിന് നാട്ടിലേക്ക് പറക്കാൻ അനുമതി; യുഎഇ ലോക്ക്ഡൗൺ കാലത്ത് ഇതാദ്യം

അറയ്ക്കലിന്റെ കുടുംബത്തിന് അദ്ദേഹത്തിന്റെ മൃതദേഹം കൊണ്ടുപോകുന്ന പ്രത്യേക വിമാനത്തിൽ യാത്ര ചെയ്യാനുള്ള അനുമതി ലഭിച്ചതായി ദുബായിലെ ഇന്ത്യൻ കോൺസുൽ ജനറൽ വിപുലിനെ ഉദ്ധരിച്ച് ഗൾഫ് ന്യൂസ് റിപ്പോർട്ട് ചെയ്യുന്നു. ഇന്നലെ വൈകിയാണ് അനുമതി ലഭിച്ചത്. അൽ മഖ്തൂം രാജ്യാന്തര വിമാനത്താവളത്തിൽ നിന്ന് വൈകിട്ട് 3.30നാണ് വിമാനം യാത്ര തിരിക്കുക. - സാമൂഹിക പ്രവർത്തകൻ അഡ്വക്കേറ്റ് ടികെ ഹാഷിഖ് പറഞ്ഞു. വിമാനയാത്രക്ക് മുൻപായി അറയ്ക്കലിന്റെ കുടുംബത്തിനെ കോവി‍ഡ് പരിശോധനക്ക് വിധേയമാക്കി. നെഗറ്റീവാണ് ഫലം. നാട്ടിലെത്തിയാലും ഇവർക്ക് 28 ദിവസത്തെ ക്വറന്റീനിൽ കഴിയേണ്ടിവരും.