റിയാദിൽ നാട്ടിലേക്ക് പുറപ്പെട്ട കണ്ണൂർ സ്വദേശി വിമാനത്തിൽ ഹൃദയാഘാതത്തെ തുടർന്ന് മരിച്ചു

റിയാദിൽ നിന്ന് നാട്ടിലേക്ക് പോകാൻ വിമാനത്തിൽ കയറിയിരിക്കവേ കണ്ണൂർ സ്വദേശി ഹൃദയാഘാതത്തെ തുടർന്ന് മരിച്ചു. കണ്ണൂർ മലപ്പട്ടം സ്വദേശി മരിയാക്കണ്ടി മുഹമ്മദ്​ (54) ആണ്​ മരിച്ചത്​. . റിയാദ്​ കിങ്​ ഖാലിദ്​ വിമാനത്താവളത്തിൽ നിന്ന് വെള്ളിയാഴ്​ച രാവിലെ 11.30-ഓടെയാണ് മുഹമ്മദ് എയർ ഇന്ത്യ എക്​സ്​പ്രസ്​ വിമാനത്തിൽ കയറിയത്.

എയർപോട്ടിൽ നടപടി ക്രമങ്ങൾ പൂർത്തിയാക്കി വിമാനത്തിൽ കയറി പറന്നുയർന്നാൻ കാത്തിരിക്കുന്നതിനിടയിലായിരുന്നു ദേഹാസ്വാസ്ഥ്യം അനുഭവപ്പെട്ടത്. ഉടൻ തന്നെ ഡോക്ടർമാർ എത്തി പരിശോധിച്ച് അടുത്തുള്ള കിംഗ് അബ്​ദുല്ല ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല.

11.40 നായിരുന്നു എയർ ഇന്ത്യ എക്​സ്​പ്രസ്​ വിമാനം പുറപ്പെടേണ്ടിയിരുന്നത്. ഇത് നാൽപ്പത്തിയഞ്ച് മിനുട്ടോളം വൈകിയിരുന്നു. ഇതിനിടയിലായിരുന്നു ദേഹാസ്വാസ്ഥ്യം. കിംഗ് അബ്ദുള്ള ആശുപത്രിയിലാണ് മൃതദേഹം സൂക്ഷിച്ചിരിക്കുന്നത്. നടപടിക്രമങ്ങൾക്കു ശേഷം മൃതദേഹം നാട്ടിലേക്ക് കൊണ്ടുപോകും.

Also Read- ഗൃഹപ്രവേശനത്തിനായി നാട്ടിലെത്തിയ പ്രവാസി യുവാവ് ടിപ്പർ ലോറിയിടിച്ച് മരിച്ചു

പതിനൊന്ന് മാസം മുമ്പാണ് മുഹമ്മദ് അവസാനമായി നാട്ടിലെത്തിയത്. നസീമ, നസീബ എന്നിവർ ഭാര്യമാരാണ്. മക്കൾ: നസീഹത്ത്​, മുഹമ്മദ്​ റാഹിദ്​, സഹദ്​. സഹോദരങ്ങൾ: ജബ്ബാർ, ഹസൈനാർ, ആമിന, നബീസ, ഖദീജ, കുഞ്ഞാതു, ഹൈറുന്നിസ, മറിയം.

Also Read- വീട് പൊളിക്കുന്നതിനിടെ ചുമരിടിഞ്ഞുവീണ് എട്ടുവയസ്സുകാരി മരിച്ചു; മൂന്ന് കുട്ടികള്‍ക്ക് പരിക്ക്

35 വർഷമായി റിയാദിൽ പ്രവാസിയാണ് മുഹമ്മദ്. റിയാദിൽ നിന്ന് 200 കിലോമീറ്റർ അകലെ മജ്​മഅയിൽ ലഘുഭക്ഷണശാല നടത്തി വരികയായിരുന്നു. മൂന്നാഴ്​ച മുമ്പ്​ നെഞ്ചുവേദന അനുഭവപ്പെട്ടതിനെ തുടർന്ന്​ ആൻ‌ജിയോപ്ലാസ്റ്റിക്ക്​​ വിധേയനായിരുന്നു. കൂടുതൽ ചികിത്സയ്ക്കു കൂടിയാണ് നാട്ടിലേക്ക് പുറപ്പെട്ടത്. ‌

11.40-ന്​ പുറപ്പെടേണ്ട എയർ ഇന്ത്യ എക്​സ്​പ്രസ്​ വിമാനം 45 മിനു​ട്ടോളം വൈകിയിരുന്നു. അതിനിടയിലാണ്​ മുഹമ്മദിന്​​​ ശാരീരികാസ്വാസ്ഥ്യമുണ്ടാകുന്നത്​. തുടർന്ന്​ വൈദ്യ സംഘമെത്തി ആശുപത്രിയിലേക്ക്​ കൊണ്ടുപോയെന്ന് ഉറപ്പാക്കിയ ശേഷം അൽപം വൈകിയാണ്​ വിമാനം പുറപ്പെട്ടത്​.

കിങ്​ അബ്​ദുല്ല ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നാട്ടിൽ കൊണ്ടുപോകുന്നതിനുള്ള നിയമനടപട​ിക്രമങ്ങൾ പൂർത്തീകരിക്കാൻ കെ.എം.സി.സി ജീവകാരുണ്യ പ്രവർത്തകൻ മെഹബൂബ്​ ചെറിയവളപ്പ്​ രംഗത്തുണ്ട്​.

11 മാസം മുമ്പാണ്​ മുഹമ്മദ്​ അവസാനമായി നാട്ടിൽ പോയി വന്നത്​.