പ്രായപൂർത്തിയാകാത്ത കാലത്ത് ചെയ്ത കുറ്റങ്ങൾക്ക് വധശിക്ഷ നൽകുന്നത് നിർത്തലാക്കി സൗദി അറേബ്യ

പ്രായപൂർത്തിയാകാത്ത സമയത്ത് ചെയ്ത കുറ്റകൃത്യങ്ങൾക്ക് വധശിക്ഷ നൽകുന്നത് നിർത്തലാക്കി സൗദി അറേബ്യ. മനുഷ്യാവകാശ കമ്മീഷൻ പുറത്തുവിട്ട പ്രസ്താവനയിലാണ് ഇത് സംബന്ധിച്ച വിവരങ്ങളുള്ളത്. രാജ്യ ഭരണാധികാരി സൽമാൻ രാജാവിന്റെ നിർദേശ പ്രകാരമെടുത്ത തീരുമാനം ആണിതെന്നാണ് മനുഷ്യാവകാശ കമ്മീഷൻ പ്രസ്താവനയിൽ പറയുന്നത്. നേരത്തെ സമാനമായ നിർദേശപ്രകാരം രാജ്യത്ത് ചാട്ടവാറടി നിർത്തുന്നതായി അറിയിച്ചിരുന്നു. പിന്നാലെയാണ് പ്രായപൂർത്തിയാകാത്ത സമയത്തുള്ള കുറ്റ കൃത്യങ്ങള്‍ക്ക് വധശിക്ഷ നൽകുന്നതും നിർത്തലാക്കിയെന്നറിയിച്ചിരിക്കുന്നത്.