Hathras Rape | 'ഹത്രാസ് സംഭവം കെട്ടിച്ചമച്ചത്'; വിവാദപ്രസ്താവനയുമായി ബിജെപി എംപി

ഹത്രാസ് സംഭവം കെട്ടച്ചമച്ചതാണെന്ന് മാധ്യമങ്ങൾ തന്നെ റിപ്പോർട്ട് ചെയ്യപ്പെട്ടിട്ടുണ്ടെന്നും പ്രതിഷേധ ചടങ്ങിനു ശേഷം മാധ്യമങ്ങളോട് സംസാരിക്കവെ ബിജെപി എംപി ആവർത്തിച്ചു. ' ഹത്രാസ് സംഭവം വ്യാജമാണ്. കെട്ടിച്ചമച്ചതാണ്. ഇവിടെ (ധനോറ) നടന്ന സംഭവം ശരിക്കും ഉണ്ടായതാണ്. അതുകൊണ്ടാണ് ഞങ്ങൾ പ്രതിഷേധം സംഘടിപ്പിച്ചത്' എന്നായിരുന്നു വാക്കുകൾ. കെട്ടിച്ചമച്ച സംഭവങ്ങൾക്ക് വേണ്ടി പ്രതിഷേധിക്കുന്ന കോൺഗ്രസ് യഥാർഥ സംഭവങ്ങൾക്ക് നേരെ കണ്ണടയ്ക്കുന്നുവെന്നും അദ്ദേഹം വിമര്‍ശിച്ചു. ഇവിടെ നിന്നും മൈലുകൾ അകലെയാണ് ഹത്രാസ് അവിടെ ആരും വോട്ട് നൽകാനും ഇല്ല എന്നാൽ പോലും കോൺഗ്രസുകാർ അവിടെയെത്തി ധർണകൾ നടത്തുകയാണെന്നും എംപി കുറ്റപ്പെടുത്തി.