മാധ്യമ പരസ്യങ്ങൾക്കെതിരായ നിലപാട് സോണിയ ഗാന്ധി തിരുത്തണം; NBA

'ഒരു വശത്ത് സാമ്പത്തിക മാന്ദ്യം മൂലം ഇലക്ട്രോണിക് മീഡിയയിൽ പരസ്യ വരുമാനത്തിൽ ഇടിവുണ്ടായി. മറുവശത്ത് ലോക്ക് ഡൗൺ മൂലം വ്യവസായങ്ങളും ബിസിനസുകളും നിർത്തിവച്ചതു കൊണ്ടുണ്ടായ സാമ്പത്തിക പ്രത്യാഘാതങ്ങളും. ഇതിനെല്ലാം പുറമെ റിപ്പോര്‍ട്ടര്‍മാരുടെയും പ്രൊഡക്ഷന്‍ സ്റ്റാഫുകളുടെയും സുരക്ഷ ഉറപ്പാക്കാൻ ന്യൂസ് ചാനലുകൾ വളരെയധികം തുക ചിലവഴിക്കുന്നുമുണ്ട്. ഇങ്ങനെയൊരു സാഹചര്യത്തിൽ പരസ്യങ്ങൾക്ക് വിലക്കേര്‍പ്പെടുത്തണമെന്ന നിർദേശം കോണ്‍ഗ്രസ് അധ്യക്ഷ ഉയർത്തിയിരിക്കുന്നത് ഉചിതമായ സമയത്തല്ല പുറമെ തീർത്തും ഏകപക്ഷീയവുമാണ്. അതുകൊണ്ട് തന്നെ പ്രധാനമന്ത്രിക്ക് മുന്നിൽ വച്ച ഇത്തരമൊരു നിർദേശം കോൺഗ്രസ് അധ്യക്ഷ പിൻവലിക്കണമെന്നും NBA ആവശ്യപ്പെട്ടിട്ടുണ്ട്.