'ടൂൾ കിറ്റ്' ഗ്രേറ്റ തൻബെർഗ് അബദ്ധത്തിൽ ട്വീറ്റ് ചെയ്തത് വഴിത്തിരിവായി; അറസ്റ്റ് ഉണ്ടാകുമെന്ന് ദിശ ഭയന്നു; വാട്സാപ്പ് ചാറ്റ് പുറത്ത്

പ്രക്ഷോഭവുമായി ബന്ധപ്പെട്ട് സമൂഹമാധ്യമങ്ങളിൽ ‘ആസ്ക് ഇന്ത്യ വൈ’, ‘വേൾഡ് ഈസ് വാച്ചിങ്’ തുടങ്ങിയ ഹാഷ്ടാഗുകളുടെ പ്രചാരണം.

ഭാവി തലമുറയുടെ കൂടി കാര്യങ്ങളിൽ ആശങ്കപ്പെടുന്ന ദിശ രവിയെ പോലുള്ളവരിലാണ് ഇന്ത്യയുടെ ഭാവിയെന്ന് ഓൾ ഇന്ത്യ പ്രോഗ്രസീവ് വിമൺസ് അസോസിയേഷൻ സെക്രട്ടറി കവിത കൃഷ്ണൻ പറഞ്ഞു. ''ഒരു ജനാധിപത്യ സംവിധാനത്തെ പോലെയല്ല നമ്മൾ ഇപ്പോൾ പ്രവർത്തിക്കുന്നത്. സമരങ്ങൾ ചെയ്യുന്നതും അത് സംഘടിപ്പിക്കുന്നതും ഗൂഢാലോചനയായി മാറുന്നെങ്കിൽ നിങ്ങള്‍ ഇപ്പോഴുള്ളത് ജനാധിപത്യ സംവിധാനത്തിൽ അല്ല- കവിത കൃഷ്ണൻ കുറ്റപ്പെടുത്തി.

അതേസമയം, ബെംഗളൂരുവിൽ നിന്ന് അറസ്റ്റ് ചെയ്ത ദിശയെ അവിടെ കോടതിയിൽ ഹാജരാക്കാതിരുന്നതും ഡൽഹിയിലെ പട്യാല ഹൗസ് കോടതിയിൽ ദിശ ആവശ്യപ്പെട്ട അഭിഭാഷകനെ ലഭ്യമാക്കാതിരുന്നതും ഗുരുതര പ്രശ്നങ്ങളാണെന്ന് ഡൽഹി വനിതാ കമ്മീഷൻ അധ്യക്ഷ സ്വാതി മലിവാൽ കുറ്റപ്പെടുത്തി. 19 നകം മറുപടി നൽകാനും കേസിൽ ഇതുവരെ സ്വീകരിച്ച നടപടികൾ വിശദീകരിക്കാനും ആവശ്യപ്പെട്ടാണു കമ്മീഷൻ പൊലീസിന് നോട്ടിസ് നൽകിയിരിക്കുന്നത്. നടപടിക്രമങ്ങൾ പാലിച്ചായിരുന്നു അറസ്റ്റെന്നു പൊലീസ് കമ്മീഷണർ എസ് എൻ ശ്രീവാസ്തവ ആവർത്തിച്ചു.