മിഡിൽ ഈസ്റ്റ് ഭാഗത്തേക്ക് പറക്കുന്ന വിമാനങ്ങൾക്ക് സിഗ്നൽ നഷ്ടമാകുന്നു; ആശങ്ക പങ്കുവെച്ച് DGCA

Published by:Rajesh V
news18-malayalam

Last Updated:Nov 24, 2023 10:25 PM IST

എയർക്രാഫ്റ്റ് ഓപ്പറേറ്റർമാർ, പൈലറ്റുമാർ, എയർ നാവിഗേഷൻ സർവീസ് പ്രൊവൈഡർമാർ (ANSP), എയർ ട്രാഫിക് കൺട്രോളർമാർ എന്നിവർക്കായി പ്രത്യേകം നിർദേശങ്ങൾ പുറപ്പെടുവിക്കണമെന്ന് സർക്കുലറിൽ പറയുന്നു

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

മിഡിൽ ഈസ്റ്റിലെ വ്യോമയാന മേഖലയിൽ വെച്ച് വിമാനങ്ങൾക്ക് ജിപിഎസ് നഷ്ടപ്പെടുന്നു എന്ന റിപ്പോർട്ടുകൾക്ക് പിന്നാലെ, ഇക്കാര്യത്തിൽ ആശങ്ക പങ്കുവെച്ച് ഇന്ത്യയുടെ ഏവിയേഷൻ റെഗുലേറ്ററായ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (Directorate General of Civil Aviation -DGCA ). ഇക്കാര്യം സംബന്ധിച്ച് എയർലൈൻ കമ്പനികൾക്കും എയർപോർട്ട് അതോറിറ്റി ഓഫ് ഇന്ത്യക്കും (Airports Authority of India (AAI)) ഡിജിസിഎ സർക്കുലർ അയച്ചു.

എയർക്രാഫ്റ്റ് ഓപ്പറേറ്റർമാർ, പൈലറ്റുമാർ, എയർ നാവിഗേഷൻ സർവീസ് പ്രൊവൈഡർമാർ (ANSP), എയർ ട്രാഫിക് കൺട്രോളർമാർ എന്നിവർക്കായി പ്രത്യേകം നിർദേശങ്ങൾ പുറപ്പെടുവിക്കണമെന്ന് സർക്കുലറിൽ പറയുന്നു.

ജിഎൻഎസ്എസ് ജാമിംഗ്, സ്പൂഫിംഗ് തുടങ്ങിയ കാരണങ്ങൾ മൂലമാണ് തെറ്റായ സിഗ്നലുകൾ ലഭിക്കുന്നത് എന്നാണ് റിപ്പോർട്ട്. തെറ്റായ സിഗ്നലുകൾ നൽകി ഒരു ജിപിഎസ് ഉപകരണത്തിന്റെ സ്ഥാനം മാറ്റാനുള്ള ശ്രമത്തെയാണ് ജിഎൻഎസ്എസ് സ്പൂഫിംഗ് എന്ന് പറയുന്നത്. ജിപിഎസ് സിഗ്നലുകൾ തടസ്സപ്പെടുമ്പോഴാണ് ജാമിംഗ് സംഭവിക്കുന്നത്. ഇക്കാര്യത്തെക്കുറിച്ചു പഠിക്കാൻ ഒക്ടോബറിൽ ഡിജിസിഎ ഒരു കമ്മിറ്റിയെ നിയോഗിച്ചിരുന്നു.

Also Read- മുംബൈ വിമാനത്താവളം തകര്‍ക്കുമെന്ന് ഭീഷണി; തിരുവനന്തപുരത്ത് പറന്നെത്തി പ്രതിയെ പൊക്കി മഹാരാഷ്ട്ര എടിഎസ്

വിമാനങ്ങളുടെ സഞ്ചാരത്തെ നിയന്ത്രിക്കുന്ന ഗ്ലോബൽ നാവിഗേഷൻ സാറ്റ്‌ലൈറ്റ് സിസ്റ്റം (Global Navigation Satellite System (GNSS)) നേരിടുന്ന ഇത്തരം ഭീഷണികൾ മൂലം അടുത്ത കാലത്തായി വലിയ വെല്ലുവിളികളാണ് ഈ മേഖല നേരിടുന്നത്.

ചില കൊമേഴ്സ്യൽ വിമാനങ്ങൾക്ക് മിഡിൽ ഈസ്റ്റ് ഭാഗങ്ങളിലേക്ക് എത്തുമ്പോൾ ജിപിഎസ് സിഗ്നൽ നഷ്ടപ്പെടുന്ന റിപ്പോർട്ടുകൾ അടുത്തിടെ പുറത്തുവന്നിരുന്നു. ഈ സാഹചര്യത്തിൽ സുരക്ഷാ മുൻകരുതലിന്റെ ഭാഗമായാണ് ഡിജിസിഎ മുന്നറിയിപ്പ് നൽകിയത്.