നിങ്ങളുടെ നഗരം തിരഞ്ഞെടുക്കുക

    • HOME
    • »
    • NEWS
    • »
    • india
    • »
    • Hajj 2020: ഈ വർഷം ഇന്ത്യ ഹജ്ജ് തീർഥാടകരെ അയയ്ക്കില്ല; പണം പൂർണമായി തിരിച്ചുനൽകുമെന്ന് കേന്ദ്രമന്ത്രി മുക്താർ അബ്ബാസ് നഖ്‌വി

    Hajj 2020: ഈ വർഷം ഇന്ത്യ ഹജ്ജ് തീർഥാടകരെ അയയ്ക്കില്ല; പണം പൂർണമായി തിരിച്ചുനൽകുമെന്ന് കേന്ദ്രമന്ത്രി മുക്താർ അബ്ബാസ് നഖ്‌വി

    ഇന്ത്യയിലെ 2.3 ലക്ഷത്തിലധികം തീർഥാടകരുടെ അപേക്ഷാ തുക കിഴിവുകളില്ലാതെ തിരികെ നൽകും

    hajj-pilgrimage

    hajj-pilgrimage

    • Share this:
      ന്യൂഡൽഹി: കോവിഡ് -19 പകർച്ചവ്യാധി മൂലം ഈ വർഷം വളരെ പരിമിതമായ ആളുകളെ ഹജ്ജ് നിർവഹിക്കാൻ അനുവദിക്കുകയെന്ന് സൗദി അറേബ്യ പ്രഖ്യാപിച്ചതിനെത്തുടർന്ന് തീർഥാടകരെ അയ്ക്കില്ലെന്ന നിലപാടുമായി ഇന്ത്യ. ഈ വർഷം ഹജ്ജിനുപോകേണ്ടിയിരുന്നവരുടെ അപേക്ഷാ തുക കിഴിവില്ലാതെ തിരികെ നൽകുമെന്ന് കേന്ദ്ര സർക്കാർ അറിയിച്ചു.

      “സൗദിയുടെ തീരുമാനത്തെ ഞങ്ങൾ ബഹുമാനിക്കുന്നു, ആരോഗ്യവും ജനങ്ങളുടെ ക്ഷേമവും കണക്കിലെടുത്ത് ഇന്ത്യയിൽനിന്ന് ഇത്തവണ ഹജ്ജിനായി ആരെയും അയയ്ക്കേണ്ടെന്ന് തീരുമാനിച്ചു,” കേന്ദ്രമന്ത്രി മുഖ്താർ അബ്ബാസ് നഖ്‌വി പറഞ്ഞു.

      2.3 ലക്ഷത്തിലധികം തീർഥാടകരുടെ അപേക്ഷാ തുക കിഴിവുകളില്ലാതെ തിരികെ നൽകും, ”അദ്ദേഹം പറഞ്ഞു.

      പ്രഖ്യാപനത്തെത്തുടർന്ന് ഹജ്ജ് തീർത്ഥാടകർ നിക്ഷേപിച്ച തുക കേന്ദ്ര ഹജ്ജ് കമ്മിറ്റി മടക്കിനൽകാൻ ആരംഭിച്ചതായി സമിതി മുൻ ആക്ടിംഗ് ചെയർമാൻ ജിന ഷെയ്ഖ് പറഞ്ഞു. ഗോവയിൽ നിന്നുള്ള 50 ശതമാനം തീർഥാടകർക്ക് അടുത്തിടെ 51,000 രൂപ വീതം തിരികെ നൽകി.

      ഈ വർഷത്തെ ഹജ്ജിന് പോകേണ്ടിയിരുന്ന തീർഥാടകരെ നറുക്കെടുപ്പിലൂടെയല്ലാതെ അടുത്ത വർഷത്തേക്ക് പരിഗണിക്കില്ലെന്നും ഷെയ്ഖ് പറഞ്ഞു. പുരുഷ സഹചാരി (മെഹ്‌റാം) ഇല്ലാതെ ഹജ്ജ് നടത്താൻ പോകുന്ന മുസ്ലീം സ്ത്രീകൾ ഒഴികെ തീർത്ഥാടകർക്ക് അടുത്ത വർഷം വീണ്ടും അപേക്ഷിക്കേണ്ടിവരും.

      മെഹ്‌റാം ഇല്ലാതെ ഗ്രൂപ്പുകളായി സ്ത്രീകൾ ഒത്തുചേരുകയും ക്രമീകരണങ്ങൾ നടത്തുകയും ചെയ്യുന്നത് ബുദ്ധിമുട്ടാണ്. അതിനാൽ, അവർക്ക് താൽപ്പര്യമുണ്ടെങ്കിൽ അടുത്ത വർഷം ഹജ്ജിന് പോകാൻ അനുവദിക്കുമെന്ന് ഞങ്ങൾ തീരുമാനിച്ചു, ”നഖ്‌വി പറഞ്ഞു.

      ഈ വർഷത്തെ തീർഥാടകർക്ക് അടുത്ത വർഷം യോഗ്യത ലഭിക്കുമോ എന്നത് നയപരമായ കാര്യമാണെന്നും ഹജ്ജ് റിവ്യൂ കമ്മിറ്റി അന്തിമ വിളി സ്വീകരിക്കുമെന്നും സമിതിയിലെ ഒരു മുൻ അംഗം പറഞ്ഞു.
      TRENDING:COVID 19 | കൊല്ലത്ത് കോവിഡ‍് ബാധിച്ച് മരിച്ചയാൾ എത്തിയത് ഡൽഹിയിൽ നിന്ന് ട്രെയിനിൽ [NEWS]Rakhi Sawant | അവൻ എന്റെ ഗർഭപാത്രത്തിൽ പിറവിയെടുക്കും; സുശാന്ത് സിംഗ് പുനർജ്ജനിക്കുമെന്ന വാദവുമായി രാഖി സാവന്ത് [NEWS]'സിപിഎമ്മും ജമാഅത്തെ ഇസ്ലാമിയും ചര്‍ച്ച നടത്തി, തെരഞ്ഞെടുപ്പില്‍ പിന്തുണ നല്‍കി': ഒ.അബ്ദുറഹ്മാന്‍ [NEWS]
      വളരെ പരിമിതമായ തീർഥാടകരെ മാത്രമേ മക്കയിൽ ഹജ്ജ് നടത്താൻ അനുവദിക്കുകയുള്ളൂവെന്ന് സൗദി അറേബ്യ അറിയിച്ചു. വൈറസ് പടരുന്നതിനിടയിൽ സാമൂഹിക അകലവും ജനക്കൂട്ടത്തിന്റെ നിയന്ത്രണവും ഉറപ്പുവരുത്തുന്നതിനായാണ് തീർത്ഥാടകരുടെ എണ്ണം വളരെ പരിമിതമാക്കുന്നതെന്ന് സൗദി ഹജ്ജ് മിനിസ്റ്റർ മുഹമ്മദ് ബെന്റൻ പറഞ്ഞു.
      Published by:Anuraj GR
      First published:
      )}