ചൈനയിൽ കൊറോണ വൈറസ് ബാധിച്ച ആദ്യ ഇന്ത്യക്കാരിക്ക് ചികിത്സക്കായി വേണ്ടത് ഒരു കോടി രൂപ

ഈ മാസം 11നാണ് വൈറസ് ബാധയെ തുടർന്നാണ് പ്രീതി മഹേശ്വരിയെ ആശുപത്രിയിൽ പ്രവേശിപ്പിക്കപ്പെട്ടത്. ചികിത്സാ ചെലവ് അന്നുമുതൽ ഓരോ ദിവസവും കുതിച്ചുയരുകയാണ്. പത്ത് ലക്ഷം ചൈനീസ് യുവാൻ (ഇന്ത്യൻ രൂപ ഒരു കോടി) ആണ് ചികിത്സക്കായി വേണ്ടത്. ഇതേ തുടർന്ന് സഹോദരൻ ആരോഗ്യ ചികിത്സാ രംഗത്തെ ക്രൗഡ് ഫണ്ടിംഗ് പ്ലാറ്റ്ഫോമായ ഇംപാക്ട് ഗുരുവിനെ സമീപിച്ചു. നാലു ദിവസം കൊണ്ട് 410 പേർ സഹായവുമായി എത്തി. 15.27 ലക്ഷം രൂപയാണ് ഇതുവരെ ലഭിച്ചത്.

പ്രീതിയുടെ ആരോഗ്യനില മെച്ചപ്പെടുന്നതിന്റെ സൂചനകളുണ്ടെന്നാണ് സഹോദരൻ പറയുന്നത്. ഹൃദയമിടിപ്പ് സാധാരണ നിലയിലേക്ക് തിരിച്ചുവരികയാണ്. എങ്കിലും ജീവൻ രക്ഷാ ഉപകരണങ്ങളുടെ സഹായത്തോടെയാണ് ഇപ്പോഴും ജീവൻ നിലനിർത്തുന്നത്. ആവശ്യമെങ്കിൽ ഇന്ത്യയിലേക്ക് മാറ്റുന്നതിനെ കുറിച്ചും കുടുംബം ആലോചിക്കുന്നുണ്ട്. ചൈനയിലെ ബന്ധുക്കളുമായി ബന്ധപ്പെടുന്നതിന് ഇന്ത്യക്കാർക്കായി എംബസി രണ്ട് ഹോട്ട്ലൈൻ നമ്പർ തുറന്നിട്ടുണ്ട്.  +8618612083629, +8618612083617.