ഇരിക്കാൻ ചെന്നപ്പോൾ സീറ്റിൽ കുഷ്യനില്ല; ഇൻഡി​ഗോക്കെതിരെ പരാതി

ഇൻഡിഗോ വിമാന കമ്പനി, യാത്രക്കാർക്കായി നൽകിയ കുഷ്യനില്ലാത്ത സീറ്റിന്റെ ചിത്രങ്ങൾ പങ്കുവെച്ച് യാത്രക്കാരൻ. ഭാര്യക്ക് അനുവദിച്ച സീറ്റിൽ 'കുഷ്യൻ' ഇല്ലായിരുന്നുവെന്നാണ് സുബ്രത് എന്നയാൾ പറയുന്നത്. 6E-6798 എന്ന പൂനെ - നാഗ്പുർ വിമാനത്തിലാണ് സാഗരിക പട്നായിക് എന്ന യാത്രക്കാരിക്ക് ഈ ദുരനുഭവം ഉണ്ടായത്. സാഗരികയുടെ ഭർത്താവ് സുബ്രത് പട്നായിക്കാണ് എക്സിൽ കുഷ്യൻ ഇല്ലാത്ത സീറ്റിന്റെ ചിത്രം പങ്ക് വച്ചുകൊണ്ട് കമ്പനിയോട് വിശദീകരണം ആവശ്യപ്പെട്ടത്.