റേഷൻ കാർഡ് ഉടമകൾക്ക് പൊങ്കൽ സമ്മാനമായി 3000 രൂപ പ്രഖ്യാപിച്ച് തമിഴ്‌നാട് സർക്കാർ

ചെന്നൈ: തമിഴ്‌നാട് മുഖ്യമന്ത്രി എം.കെ. സ്റ്റാലിൻ സംസ്ഥാനത്തെ റേഷൻ കാർഡ് ഉടമകൾക്കായി 3000 രൂപയുടെ പൊങ്കൽ സമ്മാനം പ്രഖ്യാപിച്ചു. വിളവെടുപ്പുത്സവമായ പൊങ്കൽ ജനങ്ങൾ ആവേശപൂർവ്വം ആഘോഷിക്കുന്നു എന്ന് ഉറപ്പാക്കാനാണ് ഈ പ്രത്യേക ധനസഹായം നൽകുന്നത്. സംസ്ഥാനത്തെ 2.22 കോടി റേഷൻ കാർഡ് ഉടമകൾക്കും ശ്രീലങ്കൻ തമിഴ് പുനരധിവാസ ക്യാമ്പുകളിൽ കഴിയുന്നവർക്കും ഈ ആനുകൂല്യം ലഭിക്കും. നേരത്തെ പ്രഖ്യാപിച്ച സ്പെഷ്യൽ പാക്കേജിന് പുറമെയാണ് ഓരോ കുടുംബത്തിനും 3000 രൂപ വീതം ലഭ്യമാക്കുന്നത്.