News18 Mega UCC Poll: 70 ശതമാനത്തോളം മുസ്ലീം സ്ത്രീകളും സ്വത്ത് ഇഷ്ടാനുസരണം വിട്ടുനൽകാൻ ആഗ്രഹിക്കുന്നുവെന്ന് സർവേ

Published by:Anuraj GR
news18-malayalam

Last Updated:Jul 10, 2023 10:26 PM IST

പ്രായപൂർത്തിയായ എല്ലാ ഇന്ത്യക്കാർക്കും അവരുടെ സ്വത്ത് ഇഷ്ടാനുസരണം വിട്ടുകൊടുക്കാൻ സ്വാതന്ത്ര്യമുണ്ടോ എന്ന ചോദ്യത്തോടുള്ള പ്രതികരണം

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

+ Follow usOn Google

ന്യൂസ് 18 നെറ്റ്‌വർക്ക് നടത്തിയ ഇന്ത്യയിലെ ഏറ്റവും വലിയ ഏക സിവിൽ കോഡ് (യുസിസി) സർവേയിൽ 69.3% മുസ്ലീം സ്ത്രീകളെങ്കിലും പ്രായപൂർത്തിയായ എല്ലാ ഇന്ത്യക്കാർക്കും അവരുടെ സ്വത്ത് ഇഷ്ടാനുസരണം വിട്ടുകൊടുക്കാൻ ആഗ്രഹിക്കുന്നു.

ഏക സിവിൽ കോഡിനെകുറിച്ച് പരാമർശിക്കാതെ, 884 ന്യൂസ് 18 റിപ്പോർട്ടർമാർ രാജ്യത്തെ 25 സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലുമായി 8,035 മുസ്ലീം സ്ത്രീകളെ യുസിസി ഉൾപ്പെടുത്താൻ സാധ്യതയുള്ള വിഷയങ്ങളിൽ അഭിമുഖം നടത്തി. സർവേയിൽ പങ്കെടുത്തത് 18-65 വയസ്സിനു മുകളിൽ പ്രായമുള്ള മുസ്ലീം സ്ത്രീകളാണ്.

ഏക സിവിൽ കോഡ് എന്നാൽ, ഫലത്തിൽ, വിവാഹം, വിവാഹമോചനം, അനന്തരാവകാശം, ദത്തെടുക്കൽ, പരിപാലനം തുടങ്ങിയ കാര്യങ്ങളിൽ എല്ലാ മതവിഭാഗങ്ങൾക്കും ബാധകമാകുന്ന ഒരു നിയമം എന്നാണ് അർത്ഥമാക്കുന്നത്. ന്യൂനപക്ഷ സമുദായങ്ങളുടെ മതസ്വാതന്ത്ര്യത്തെയും അവകാശങ്ങളെയും ഹനിക്കരുതെന്ന് ഓൾ ഇന്ത്യ മുസ്‌ലിം പേഴ്‌സണൽ ലോ ബോർഡ് (എഐഎംപിഎൽബി) പറഞ്ഞിട്ടുണ്ട്. ന്യൂസ് 18 നെറ്റ്‌വർക്ക് സർവേയിലൂടെ ഏക സിവിൽ കോഡ് കാഴ്ചപ്പാടുകൾ യഥാർത്ഥത്തിൽ വിശാലമായ സമൂഹം പങ്കിടുന്നുണ്ടോയെന്ന് പരിശോധിക്കുകയായിരുന്നു, പ്രത്യേകിച്ച് സ്‌ത്രീകളെ. നിലവിലെ സ്ഥിതി തുടരുന്നത് ഏറ്റവുമധികം ബാധിക്കുന്നത് അവരെയായിരിക്കും.

സ്വത്ത് അവകാശങ്ങൾ: ബിരുദധാരികളിൽ നിന്ന് കൂടുതൽ പിന്തുണ

പ്രായപൂർത്തിയായ എല്ലാ ഇന്ത്യക്കാർക്കും അവരുടെ സ്വത്ത് ഇഷ്ടാനുസരണം വിട്ടുകൊടുക്കാൻ സ്വാതന്ത്ര്യമുണ്ടോ എന്ന ചോദ്യത്തിന്, 69.3% (5,572) സ്ത്രീകൾ ‘അതെ’ എന്നും 16.6% (1,336) ‘ഇല്ല’ എന്നും അഭിപ്രായപ്പെട്ടു, 14.1% (1,127) ‘അറിയില്ല അല്ലെങ്കിൽ പറയാൻ കഴിയില്ല’ എന്ന് പ്രതികരിച്ചു.

ബിരുദവും അതിൽ കൂടുതലും പൂർത്തിയാക്കിയവരിൽ 73.1% (2,216) പേർ ‘അതെ’ എന്നും 15.6% (473) പേർ ‘ഇല്ല’ എന്നും 11.3% (344) പേർ ‘അറിയില്ല അല്ലെങ്കിൽ പറയാൻ കഴിയില്ല’ എന്നും പറഞ്ഞു.

#MegaUCCPoll | 69.3% #MuslimWomen want Indian adults to have right to will away property as they wish#Network18Exclusive #Exclusive #UniformCivilCode #UCC | @AnchorAnandN @Zakka_Jacob pic.twitter.com/DEIMkZTWd7

— News18 (@CNNnews18) July 10, 2023

18-44 പ്രായ വിഭാഗത്തിൽ 69.9% (4,398) പേർ ‘അതെ’ എന്നും 16.5% (1,038) പേർ ‘ഇല്ല’ എന്നും 13.6% (859) പേർ ‘അറിയില്ല അല്ലെങ്കിൽ പറയാൻ കഴിയില്ല’ എന്നും പറഞ്ഞു. 44 വയസ്സിനു മുകളിലുള്ളവരുടെ കാര്യത്തിൽ, 67.5% (1,174) ‘അതെ’ എന്നും 17.1% (298) ‘ഇല്ല’ എന്നും 15.4% (268) പേർ ‘അറിയില്ല അല്ലെങ്കിൽ പറയാൻ കഴിയില്ല’ എന്നും പറഞ്ഞു.

സർവേയിൽ പങ്കെടുത്ത സ്ത്രീകളിൽ 18.8% പേർ 18-24 വയസ്സിനിടയിലുള്ളവരും 32.9% പേർ 25-34 പ്രായക്കാരും 26.6% പേർ 35-44 പ്രായക്കാരും 14.4% പേർ 45-54 വയസുകാരും 5.4% പേർ 55-64 വയസും 1.9% പേരും 65+ ആയിരുന്നു. 70.3% വിവാഹിതരായപ്പോൾ, 24.1% അവിവാഹിതരും 2.9% വിധവകളും 2.9% വിവാഹമോചിതരുമാണ്. സർവേയിൽ പങ്കെടുത്തവരിൽ 73.1% സുന്നികളും 13.3% ഷിയകളും 13.6% മറ്റുള്ളവരുമാണ്.

Also Read- News18 Mega UCC Poll: മതം പരിഗണിക്കാതെ ദത്തെടുക്കൽ അനുവദിക്കണമെന്ന് 64.9 ശതമാനം മുസ്ലീം സ്ത്രീകൾ

സർവേയിൽ പങ്കെടുത്ത സ്ത്രീകളിൽ 10.8% ബിരുദാനന്തര ബിരുദധാരികളും 27% ബിരുദധാരികളും 20.8% പേർ 12+ വരെ പഠിച്ചവരും 13.8% 10+ ക്ലാസ് വരെ പഠിച്ചവരും 12.9% പേർ 5-10 ക്ലാസ് വരെ പഠിച്ചവരും 4.4% 5-ാം ക്ലാസ് വരെ പഠിച്ചവരുമാണ്. 4.2% നിരക്ഷരരും 4.2% പേർക്ക് അടിസ്ഥാന സാക്ഷരതയും ഉള്ളവരാണ്.