മദ്യനിരോധനമുള്ള നാട്ടിൽ വരൻ എത്തിയത് മദ്യപിച്ച്; വധു വിവാഹത്തിൽനിന്ന് പിൻമാറി

പാട്ന: വരൻ മദ്യപിച്ച് എത്തിയതിനെ തുടർന്ന് വിവാഹത്തിൽനിന്ന് പിൻമാറി താരമായി മാറിയിരിക്കുകയാണ് ഒരു യുവതി. മദ്യനിരോധനമുള്ള ബീഹാറിലാണ് വരൻ മദ്യപിച്ച് എത്തിയതിനെ തുടർന്ന് വധു വിവാഹത്തിൽനിന്ന് പിൻമാറിയത്. ഇക്കഴിഞ്ഞ ശനിയാഴ്ച ബീഹാറിലെ ദുംറി ചാപിയ ഗ്രാമത്തിൽ നടക്കേണ്ടിയിരുന്ന വിവാഹമാണ് മുടങ്ങിയത്. ബബ്ലു കുമാർ എന്നയാളാണ് സ്വന്തം വിവാഹവേദിയിൽ മദ്യപിച്ച് എത്തിയത്. ഇതേത്തുടർന്ന് വധു റിൻകി കുമാർ വിവാഹം വേണ്ടെന്ന് തീരുമാനിക്കുകയായിരുന്നുവെന്ന് പ്രമുഖ വാർത്താ ഏജൻസി എ.എൻ.ഐ റിപ്പോർട്ട് ചെയ്യുന്നു.