'ഒരിക്കലും അം​ഗീകരിക്കാനാകില്ല', ഹോർമുസ് കടലിടുക്കിൽ വാണിജ്യ കപ്പലുകൾക്ക് നേരെയുണ്ടായ ആക്രമണങ്ങളെ വിമർശിച്ച് പ്രധാനമന്ത്രി മോദി

ഒരിക്കലും അം​ഗീകരിക്കാനാകില്ല- എന്നാണ് ഹോർമുസ് കടലിടുക്കിൽ കപ്പലുകൾക്ക് നേരെയുള്ള ആക്രമണത്തെ കുറിച്ച് പ്രധാനമന്ത്രി പറഞ്ഞത്. ഇന്ത്യയുടെ ഊർജ്ജ, വ്യാപാര സുരക്ഷയെ കുറിച്ചും അദ്ദേഹം അടിവരയിട്ടു. പശ്ചിമേഷ്യയിലെ സംഘർഷം വലിയ വെല്ലുവിളി ഉയർത്തുന്നു. യുദ്ധത്തിന്റെ ഈ അന്തരീക്ഷത്തിൽ പോലും ഇന്ത്യൻ കപ്പലുകളുടെ സുരക്ഷിതമായ കടന്നുപോകലിനായി ഇന്ത്യ നിരന്തരം ശ്രമിക്കുന്നുണ്ട്. നയതന്ത്രത്തിലൂടെ ഇത് സാധ്യമാക്കുകയാണ്.

ഇന്ത്യയുടെ സമ്പദ്‌വ്യവസ്ഥയ്ക്ക് ആവശ്യമായ അസംസ്കൃത എണ്ണ, വാതകം, വളങ്ങൾ എന്നിവയുടെ വിതരണം ഉറപ്പാക്കുന്നതിൽ ഹോർമുസ് ഒരു പ്രധാന പങ്ക് വഹിക്കുന്നുണ്ട്. നിലവിലെ സാഹചര്യത്തിൽ, കടലിടുക്ക് വഴിയുള്ള കപ്പലുകളുടെ സഞ്ചാരം വളരെ വെല്ലുവിളി നിറഞ്ഞതാണ്. ഇന്ത്യൻ കപ്പലുകളുടെ സുരക്ഷിതമായ യാത്രയ്ക്ക് വേണ്ടി തുടർച്ചയായി ശ്രമിക്കുന്നുണ്ട്. പെട്രോൾ, ഡീസൽ, ഗ്യാസ് എന്നിവയുടെ വിതരണത്തെ ബാധിക്കുന്നില്ലെന്ന് ഉറപ്പാക്കാൻ സർക്കാർ എല്ലാ ശ്രമങ്ങളും നടത്തുന്നുണ്ട്.

ഇന്ത്യ എൽപിജി ആവശ്യകതയുടെ 60 ശതമാനം ഇറക്കുമതി ചെയ്തിട്ടുണ്ട്. രാജ്യത്തിനുള്ളിലെ ഉൽപാദനശേഷി വർദ്ധിപ്പിക്കുന്നതിനും നടപടികൾ സ്വീകരിച്ചുവരികയാണെന്നും പ്രധാനമന്ത്രി ചൂണ്ടിക്കാട്ടി.